တရုတ်ပြည် စီးပွါးရေး ဖွံ.ဖြိုးတိုးတက်ခြင်း၏ အကြောင်းရင်းများ ၊ အခန်း ၉ (နိုင်ငံတော် အကျဉ်းသား)

အပိုင်း ၃
တရုတ်ပြည် စီးပွါးရေးဖွံ.ဖြိုးတိုးတက်ခြင်း၏ အကြောင်းရင်းများ
အခန်း ၉
လွတ်လပ်စွာ ကုန်သွယ်ခြင်း၏ ပဉ္စလက်

နိုင်ငံခြားကုန်သွယ်မှုကို ပြန်လည်ဖော်ဆောင်ရေးသည် မော်၏ “ကိုယ့်အားကိုယ်ကိုး”

စီးပွါးရေးစနစ်ကို ပြောင်းလဲရေးအတွက် အရေးပါသည့် ခြေလှမ်းတစ်လှမ်းဖြစ်သည် ။

ပြည်နယ်အုပ်ချုပ်ရေး အရာရှိတစ်ဦးအဖြစ် ကျောက်၏ အတွေ.အကြုံတို.သည် သူ.အား

လွတ်လပ်စွာကုန်သွယ်မှုကို ထောက်ခံသည့် ပွင်းပွင့်လင်းလင်း ပြောဆိုသူတစ်ဦးအဖြစ်

ဖြစ်ပေါ်လာစေခဲ့သည် ။ မော်စီတုန်းခေတ်မှ ပေါက်ဖွားလာသည့် ကျောက်အနေဖြင့် အနောက်တိုင်း

စီးပွါးရေး မူဝါဒတို.အပေါ် ဤမျှအထိ မည်သို.ယုံကြည်မှုရှိခဲ့ပါသနည်း ။ ကျောက်က သူ၏အတွေးတို.ကို

ဖော်ပြခဲ့ပြီး ပြုပြင်ပြောင်းလဲရေးသည် တရုတ်ပြည်ကို ပို၍ခေတ်မှီသစ်လွင်လာစေခဲ့ကြောင်း ရှင်းလင်းစွာ

ပြောကြားခဲ့သည် ။

နှစ်ပေါင်းများစွာကြာအောင် ကျွန်တော်တို.၏ စီးပွါးရေးဖွံ.ဖြိုးရန် အားထုတ်မှုများမှာ ညံ့ဖျင်းသည့် ရလာဒ်များသာ ရရှိစေခဲ့သည် ။ အင်အားများစွာ စိုက်ထုတ်ရပြီး ဆုလဒ်အနည်းငယ်သာ ရရှိခဲ့သည် ။ စီးပွါးရေးစနစ်အပြင် တံခါးပိတ်ဝါဒ ကဲ့သို.သော တခြားပြဿနာများလည်းရှိနေပြီး ၎င်းတို.က ကိုယ့်အားကိုယ်ကိုးရေးကိုသာ မဖြစ်မနေ လက်ခံစေခဲ့သည် ။ ၎င်းသည် သဘောတရားရေးရာ လေ့လာလိုက်စားစရာတစ်ခု ဖြစ်လာခဲ့ပြီး နိုင်ငံရေးသဘောတရားတစ်ခု ဖြစ်လာခဲ့သည် ။

ဥပမာအားဖြင့် စိုက်ပျိုးရေးကဏ္ဍကိုကြည့်ပါ ၊ စွမ်းဆောင်ရည်မြင့်မားလာစေရန် ဆိုပါက ပထမဦးဆုံး သဘောပေါက် လက်ခံထားရမည့်အချက်မှာ သက်ဆိုင်ရာဒေသရှိ မြေယာများ၏ အားသာချက်ကို အသုံးချရန်ဖြစ်ပြီး မြေအနေအထားနှင့် အကိုက်ညီဆုံးဖြစ်သည့် သီးနှံကို စိုက်ပျိုးရမည်ဖြစ်သည် ။ သို.သော်လည်း နှစ်များစွာကြာသည့်တိုင်အောင် ဤသို.ပြုလုပ်ရန် ကျွန်တော်တို. ခွင့်မပြုခဲ့ပါ ။

အဖြစ်အပျက်တစ်ခုမှာ ကျွန်တော်၏ အတွေးတို.ကို များစွာ ရိုက်ခတ်နေခဲ့သည် ။ စီချွမ်ပြည်နယ်တွင် ကျွန်တော် တာဝန်ထမ်းဆောင်နေဆဲ ၁၉၇၈ ခုနှစ်တွင် ကိုယ်စားလှယ်အဖွဲ.တစ်ခုကို ကျွန်တော် ဦးဆောင်၍ အင်္ဂလန်နှင့် ပြင်သစ် နိုင်ငံများသို. သွားခဲ့ပြီး အပြန်ခရီးတွင် ဂရိနှင့် ဆွစ်ဇာလန် နိုင်ငံတို.တွင် ခဏရပ်နားခဲ့သည် ။

ပထမဦးဆုံး ပြင်သစ်ပြည်တောင်ပိုင်း မြေထဲပင်လယ်ကမ်းခြေသို. ရောက်ရှိခဲ့သည် ။ ဤဒေသမှာ စီးပွါးရေးဖွံ.ဖြိုးမှုအတွက် လူသိများသည့်ဒေသဖြစ်သည် ။ ဤဒေသ၏ ရာသီဥတုမှာ အလွန်ပင် ခြောက်သွေ.ပြီး နွေရာသီတွင် မိုးလုံးဝမရွာပေ ။ ဤသို.သောအခြေအနေများ၌ အတိတ်ကာလက ကျွန်တော်တို.၏ စဉ်းစားပုံအရ ကောက်ပဲသီးနှံများ စိုက်ပျိုးနိုင်ရန်အတွက် ကြီးမားလှသည့် ဆည်မြောင်းစီမံကိန်းများကို အကောင်အထည်ဖော် တည်ဆောက်ခြင်းဖြင့် “ဘုရားသခင်နှင့် သဘာဝလောကကြီးက ပေးထားသည့် အခြေအနေများကို ပြောင်းလဲပစ်ပေမည်။” သို.သော် ဤသို.သောအရာများကို သူတို.မပြုလုပ်ကြပါ ၊ ဤအစား ခြောက်သွေ.သည့် ရာသီဥတုတွင် စိုက်ပျိုးဖြစ်ထွန်းနိုင်သည့် စပျစ်နှင့် အခြားသီးနှံများကို သူတို.က စိုက်ပျိုးကြသည် ။ ရလာဒ်အားဖြင့် ပြင်သစ်၏ ဝိုင်လုပ်ငန်းကြီးမှာ သဘာဝအရ ပေါ်ထွက်လာခဲ့ခြင်းပင်ဖြစ်သည် ။ ထိုဒေသရှိ လယ်သမားတို.မှာ များစွာချမ်းသာကြသည်။

နောက်ဥပမာတစ်ခုကို အင်္ဂလန်တွင် တွေ.ခဲ့ရသည် ။ အရှေ.ဖက်ကမ်းခြေတစ်လျှောက်၌ ဂျုံကို အကြီးအကျယ် ကောင်းစွာစိုက်ပျိုးထား၍ အနောက်ဖက်ကမ်းခြေတွင်မူ မြတ်ခင်းတို. ဖုံးလွှမ်းနေသည် ။ ၎င်းမှာ ကျွန်တော့်အတွက် ပထမဆုံး နိုင်ငံရပ်ခြားခရီးစဉ်ဖြစ်၍ မြင်ကွင်းများကြောင့် ပဟေဠိဖြစ်နေပြီး အကြောင်းရင်းကို မေးမြန်းမိသည် ။ အရှေ.ဖက်ကမ်းခြေ၌ နေရောင်ခြည်လုံလောက်စွာရ၍ ဂျုံစိုက်ပျိုးရန်သင့်တော်ကြောင်း ၊ အနောက်ဖက်ကမ်းခြေ၌မူ မိုးများစွာရွာသွန်းပြီး နေရောင်ခြည်အရနည်းသဖြင့် မြတ်ခင်းများသာ ဖြစ်ထွန်းကြောင်း ကျွန်တော့်ကို ပြောပြကြသည် ။ ထို.ကြောင့် ထိုဒေသ၌ ကျွဲနွားမွေးမြူရေးနှင့် နွားနို.ချက်လုပ်သည့်လုပ်ငန်းစသည့် တိရိစ္ဆာန်မွေးမြူရေးလုပ်ငန်းတို. ဖြစ်ထွန်းသည် ။

အပြန်ခရီး၌ ဂရိနိုင်ငံ၌ တစ်ထောက်ရပ်နားစဉ်တွင် သံရုံးမှ ရဲဘော်များက ခြောက်သွေ.၍ နွေရာသီ၌ မိုးမရွာသည့် တောင်ထူထပ်သည့် ဒေသများသို. လှည့်လည်ရန် စီစဉ်ကြသည် ။ ကျွန်တော်တို.၏ ချဉ်းကပ်ဖြေရှင်းပုံအရဆိုပါက စိုက်ပျိုးရန်အတွက် အလွန်ခက်ခဲသည့် အခြေအနေပင်ဖြစ်သည် ။ ကျွန်တော်တို.သည် ဒါဇိုင်းမော်ဒယ်၁ကို ပုံတူကူး အတုယူ၍ လှေခါးထစ်စိုက်ခင်းများနှင့် ဆည်ရေပေးစနစ်များကို တည်ဆောက်ပေလိမ့်မည် ။ သို.သော် သူတို.ကမူ ဤသို.မလုပ်ပါ ။ တောင်ကုန်းများမှာ သံလွင်ပင်များဖြင့် ဖုံးလွှမ်းနေပြီး သံလွင်ဆီ ထုတ်လုပ်သည့် လုပ်ငန်းမှာ အထူးအောင်မြင်ဖြစ်ထွန်းနေသည် ။ လယ်သမားများ၏ လူနေမှုအဆင့်မှာ မြင့်မားလှသည် ။ ဤကဲ့သို. သူတို. မည်သို.လုပ်နိုင်ပါသနည်း ။ အဘယ့်ကြောင့်ဆိုသော် သူတို.သည် စီးပွါးရေးအရ အမှီအခို ကင်းလွတ်စွာ မနေသောကြောင့်ဖြစ်သည် ။ ဤအစား သူတို.က ပြင်ပကမ္ဘာနှင့် ကုန်သွယ်မှုကို အမှီပြု၍ သူတို.၏ အားသာချက်ကို အသုံးချကာ သူတို.၏ ထွက်ကုန်များကို သူတို.အတွက်လိုအပ်သည့် အရာများနှင့် ဖလှယ်၍ အရောင်းအဝယ် ပြုလုပ်ကြသောကြောင့်ဖြစ်သည် ။

၁၉၈၁ ခုနှစ် ဘေဂျင်းတွင် တာဝန်ထမ်းဆောင်ရန် ကျွန်တော်ရောက်ရှိလာပြီးနောက် ဟီနန်ပြည်နယ် လန်ကောင်းခရိုင်သို. ကျွန်တော်ရောက်သွားခဲ့ပြီး ထိုဒေသရှိလယ်သမားများနှင့် စကားပြောဖြစ်ခဲ့သည် ။ ထိုဒေသမှာ သဲဆန်သည့်မြေရှိပြီး မြေပဲအထွက်နှုန်းကောင်းသည့်မြေဖြစ်သည် ။ သို.သော်လည်း မူဝါဒမှာ ကိုယ့်အားကိုယ်ကိုး အစားအစာထုတ်လုပ်ရေးကို ဦးစားပေးပြီး နှံစားသီးနှံ ထုတ်လုပ်ရေးကို ဦးစားပေးအဖြစ်သတ်မှတ်ထားသည့်အတွက် သူတို.အား မြေပဲစိုက်ခွင့်မပေးပဲ ဤအစား ဂျုံစိုက်စေရန် သတ်မှတ်ခဲ့သည် ။ သူတို.၏ ဂျုံအထွက်နှုန်းမှာ နည်းပါးလှသည့်အတွက် လယ်သမားများက ဤမူဝါဒကို အပြင်းအထန် ဝေဖန်ခဲ့သည် ။

နောက်ထပ်ဥပမာတစ်ခုမှာ ရှန်ဒေါင်းပြည်နယ် အနောက်မြောက်ဒေသဖြစ်သည် ။ ဤဒေသ၏မြေမှာ အယ်လကာလီဓာတ်များသည့်မြေ အမျိုးအစားဖြစ်သည် ။ ဒေသ၏ နယ်မြေအများစုမှာ ဝါဂွမ်းစိုက်ရန်အတွက် သင့်လျော်ပြီး အထွက်နှုန်းလည်းကောင်းသည် ။ သို.သော် မူဝါဒအရ နှစ်ပေါင်းများစွာကြာအောင် ဝါစိုက်ခြင်းကို ခွင့်မပြုပဲ ဂျုံစိုက်ရန်သာ ခွင့်ပြုခဲ့သည် ။ ရလာဒ်မှာ သူတို.အနေဖြင့် ဂျုံပိုစိုက်လေ အထွက်နှုန်းနည်းလေဖြစ်ပြီး လယ်သမားများ ပို၍ငတ်မွတ်ဖို. အခြေအနေပေးလေဖြစ်လာသည် ။

၁၉၈၃ ခုနှစ်၌ ကျွန်တော်က ရှန်ဒေါင်းမှ ရဲဘော်များနှင့် ဆွေးနွေး၍ သူတို.အနေနှင့် ဝါစိုက်နိုင်ခြင်းရှိမရှိ မေးမြန်းခဲ့သည်။ ပြဿနာမှာ နှံစားသီးနှံ မထွက်ခြင်းပင်ဖြစ်ကြောင်း သူတို.ကပြောသည် ။ နောက်ပိုင်း၌ ရှန်ဒေါင်းဒေသ အနောက်မြောက်ပိုင်းသည် ဝါဂွမ်းကို ပြောင်းလဲစိုက်ပျိုးရန် ကျွန်တော်တို. ဆုံးဖြတ်ခဲ့သည် ။ သူတို.က ဝါဂွမ်းကို နိုင်ငံတော်သို. ရောင်းချပြီး (ထိုစဉ်က နိုင်ငံတော်သည် ဝါဂွမ်းအမြောက်အများ တင်သွင်းနေချိန်ဖြစ်သည်။) အပြန်အလှန်အားဖြင့် နိုင်ငံတော်က သူတို.ကို ဂျုံစသည့် နှံစားသီးနှံတို. ပြန်လည်ထောက်ပံ့မည်ဖြစ်သည် ။

ရလာဒ်မှာ သူတို.နေဖြင့် ခက်ခဲသည့် စီးပွါးရေးအခြေအနေများကို ပြောင်းပြန်လှန်ပစ်ရန်အတွက် အချိန်ကာလ ၁နှစ်မှ ၂နှစ်မျှသာ ကြာမြင့်ခဲ့ပြီး သူတို.၏ ဝါဂွမ်းအထွက်နှုန်းမှာလည်း များစွာတိုးလာခဲ့သည် ။ အချိန်တိုအတွင်း၌ ဈေးကွက်တွင် ဝါဂွမ်းများ လွှမ်းသွားပြီး ပိုလျှံလာသည် ။ လယ်သမားတို.၏ဝင်ငွေမှာ အလျှင်အမြန် တိုးလာပြီး ကျေးလက်ဒေသ၏ အခြေအနေမှာ တိုးတက်လာသည် ။ သူတို.၏ ဝါဂွမ်းထုတ်လုပ်ရေးက ဝါစေ့ကို ဘေးထွက်ကုန်စည်အဖြစ် ထုတ်လုပ်နိုင်သည် ။ ဝါစေ့မှ အဆီထုတ်ယူပြီးနောက် ထွက်လာသောကြိတ်ဖတ်ကို မြေဩဇာအဖြစ် ပြန်လည်အသုံးပြုနိုင်သည် ။ အယ်လကာလီဓာတ် မများသည့်မြေယာများတွင် ဂျုံကိုစိုက်ပျိုးပြီး ဝါစေ့ကြိတ်ဖတ်မှရသော မြေဩဇာကို အသုံးပြုခြင်းဖြင့် အထွက်နှုန်းကောင်းလာစေသည် ။ လူတိုင်းပင် အကျိုးဖြစ်ထွန်းကြသည် ။

ဒေသ၏ ဆိုရိုးတစ်ခုမှာ “ဂျုံတစ်ကတ်တီက အားလုံးကို ဝလင်အောင် ကျွေးနိုင်တယ် ၊ ဝါဂွမ်း ကတ်တီဝက်ကတော့ ပိုလျှံသွားစေနိုင်တယ်၂”ဟု ဆိုကြသည် ။ ယခင်က သူတို.သည် ဂျုံတစ်ကတ်တီခွဲမျှ စိုက်ပျိုးပါက သူတို.ဘာသာသူုတို. စားသုံးရန်အတွက်ပင် အနိုင်နိုင်ဖြစ်ပြီး နောက်ပိုင်း ဝါဂွမ်းတစ်ကတ်တီ စိုက်ပျိုးပါက လုံလောက်သည့်အပြင် ပိုလျှံသည့် ပမာဏကို နိုင်ငံတော်သို.ပင် ရောင်းချနိုင်သည် ။

ရှန်ဒေါင်းနှင့် လန်ကောင်းဒေသတို.သည် သူတို.အတွက် သင့်လျော်သည့် သီးနှံကို စိုက်ပျိုးနိုင်ကြသည် အဘယ့်ကြောင့်ဆိုသော် ကျွန်တော်တို.သည် တံခါးဖွင့် မူဝါဒကို ကျင့်သုံးပြီး နိုင်ငံခြားမှ ဂျုံအမြောက်အများ တင်သွင်းသောကြောင့်ဖြစ်သည် (ဤကာလများအတွင်း၌ ဂျုံတန်ချိန် သန်းဆယ်ပေါင်းများစွာ နှစ်စဉ်တင်သွင်းခဲ့သည်)။ လယ်သမားတို.အား သူတို.၏မြေနှင့် သင့်တော်သည့် သီးနှံကို စိုက်ပျိုးခွင့်ပြုပြီး အထွက်နှုန်း မြင့်မားနေသရွေ. စိုက်ပျိုးရေးကဏ္ဍသည် တိုးတက်နေမည်သာဖြစ်သည် ။ တံခါးဖွင့် မူဝါဒသာ မကျင့်သုံးပါက အားလုံးကို ကိုယ်တိုင်ထုတ်လုပ်ရန် အတင်းအကျပ် လုပ်ဆောင်သလိုဖြစ်နေပြီး ကိုယ့်အားကိုယ်ကိုးရေးမူကိုသာ ဖတ်တွယ်နေပါက ဘာမျှဖြစ်လာမည်မဟုတ်ပါ ။

စိုက်ပျိုးရေးကဏ္ဍတွင် အင်အားများစွာ စိုက်ထုတ်ရပြီး ရလာဒ်အနည်းငယ်မျှသာ ခံစားရခြင်း၏ အကြောင်းရင်းတစ်ခုမှာ လူအများ စုပေါင်းပိုင်ဆိုင်မှုကြောင့်ဖြစ်သည် ။ နောက်တစ်ကြောင်းမှာ ကိုယ့်ဟာကိုယ် ပြဋ္ဌာန်းထားသည့် စီးပွါးရေးအမှီအခိုကင်းရေး မူဝါဒကြောင့်ဖြစ်ပြီး ထိုအချက်က ကျွန်တော်တို.အား မြေယာ၏ အားသာချက်ကို အသုံးချခြင်းမှ ပိတ်ပင်တားဆီးသလိုဖြစ်စေပြီးလျှင် ရလာဒ်အားဖြင့် “အင်အား ၂ဆ စိုက်ထုတ်ရပြီး အကျိုးရလာဒ်မှာ တစ်ဝက်မျှသာ” ခံစားရစေခဲ့သည် ။ နှစ်ပေါင်းများစွာကြာအောင်ပင် ကျွန်တော်တို.သည် ဂျုံစိုက်ပျိုးရန် မသင့်တော်သည့် ဒေသများတွင် ဂျုံကို အတင်းအကျပ် စိုက်ပျိုးစေခဲ့သည် ။ ထို.ကြောင့် စိုက်ပျိုးရေး အခြေခံအဆောက်အအုံများနှင့် ဆည်မြောင်းတာတမံ တည်ဆောက်ရေး စီမံကိန်းတို.အတွက် အင်အားများစွာ စိုက်ထုတ်သုံးစွဲခဲ့ရသည် ။ စီမံကိန်းတချို.မှာ အမှန်တကယ် လိုအပ်သော်လည်း မြေယာ၏ သဘာဝအရ အားသာချက်များကို အသုံးချခဲ့ပါက ၎င်းတို.ကို လုံးဝလိုအပ်မည်မဟုတ်ပါ ။ ဆည်မြောင်းစနစ်သည်လည်း ပို၍စွမ်းဆောင်ရည်မြင့်မားလာမည်ဖြစ်ပြီး အလိုအပ်ဆုံးနေရာများတွင် အသုံးချနိုင်ပေလိမ့်မည် ။

စက်မှုလုပ်ငန်းများတွင်လည်း အလားတူပင်ဖြစ်သည် ။ အတိတ်ကာလက ကျွန်တော်တို.၏ စက်မှုဖွံ.ဖြိုးရေး မဟာဗျူဟာမှာ “ဆန်မရှိပဲနှင့် ထမင်းအိုးအရင်မတည်ပါနှင့်”ဟူ၍ဖြစ်သည် ။ ကျွန်တော်တို.သည် အရာအားလုံးကို ကုန်ကြမ်းပစ္စည်းထိ အခြေခံအစမှ စတင်ရန် ကြိုးစားခဲ့ကြသည် ။

ဥပမာအားဖြင့် စတီးထုတ်လုပ်ရေးလုပ်ငန်းအတွက် ပထမဦးဆုံး သံရိုင်းမိုင်းရှာဖွေခြင်းနှင့် ရွေးချယ်ခြင်းတို.မှ စတင်သည် ထို.နောက်တွင် ကျောက်မီးသွေး ၊ မီးရထားလမ်းဖောက်လုပ်ခြင်း ၊ သံရိုင်းအရည်ကျိုခြင်း ၊ စတီးပြုလုပ်ခြင်း စသည်တို.ကို လုပ်ကိုင်ပြီး နောက်ဆုံးမှ စက်ပစ္စည်းထုတ်လုပ်ခြင်း စသည်ဖြင့် လုပ်ကိုင်ဆောင်ရွက်ခဲ့ကြသည် ။ သို.သော် ကျွန်တော်တို.တွင် အရည်အသွေးနိမ့်သည့် သံမိုင်းများသာရှိပြီး သံသတ္တုပါဝင်နှုန်း နိမ့်လှသည် ။ သံတစ်တန်မျှ ထုတ်လုပ်နိုင်ရန်အတွက် သံရိုင်းတန်ပေါင်းများစွာ တူးဖော်ထုတ်လုပ်ရသည် ။ ကျွန်တော်တို.၏ သံနှင့် ကျောက်မီးသွေး မိုင်းများမှာ နိုင်ငံ၏ အနောက်ပိုင်း၌ တည်ရှိသည့်အတွက် သယ်ယူပို.ဆောင်ရန် ဝေးကွာလှသည့် ခရီးကို ဖြတ်သန်းရသည်။ စတီးထုတ်လုပ်ရေး လုပ်ငန်းတစ်ခု တည်ထောင်ရန် အချိန်မည်မျှ ကြာမြင့်မည်ဖြစ်ကြောင်း စဉ်းစားကြည့်ပါ ၊ အခြေခံအဆောက်အအုံ တည်ဆောက်ရေး ၊ ရင်းနှီးမြှုပ်နှံမှုမှ အကျိုးအမြတ် ပြန်ရဖို. ကြာမြင့်မည်အချိန်ကာလ ၊ ရင်းနှီးမြှုပ်နှံသည့် ပမာဏ၏ မည်မျှသာ အကျိုးအမြတ် ပြန်လည်ခံစားရမည် စသည်ဖြင့် ။

ပြုပြင်ပြောင်းလဲရေးကြောင့် ကျွန်တော်တို.သည် ပို၍ သပ်သပ်ရပ်ရပ် ရှိလာသည် ။ သံရိုင်းကို ကနေဒါနှင့် ဩစတေးလျမှ တင်သွင်းသည် ။ ဤနေရာများတွင် ၎င်းမှာ ဈေးချိုပြီး အရည်အသွေးမြင့်မားသည် ၊ သင်္ဘောဖြင့် သယ်ယူပို.ဆောင်ခြင်းက မီးရထားဖြင့် သယ်ယူပို.ဆောင်သည်ထက် ကုန်ကျစားရိတ်ပိုနည်းသည် ။ ကမ်းရိုးတန်းဒေသရှိ တချို.မြို.များတွင် စတီးလှိမ့်ခြင်းကဲ့သို.သော စတီးထုတ်သည့် လုပ်ငန်းစဉ်၏ အောက်ပိုင်းအဆင့်များကို ပြုလုပ်နိုင်သည် ။ သံအချောင်းကို မည်သည့်နေရာမှ သူတို. ရရှိပါသနည်း ။ ပြည်ပမှ တင်သွင်းခြင်းဖြင့် ရရှိသည် ။ လုပ်ငန်းစဉ် စတင်သည်နှင့် သူတို.အတွက် အကျိုးအမြတ် ရရှိပြီးဖြစ်သည် ။ မြှုပ်နှံထားသည့် အရင်းအနှီးကို ဝင်ငွေမှ လျှင်မြန်စွာ ပြန်လည်ဖော်ထုတ်နိုင်ပြီး ၎င်းကို စတီးထုတ်လုပ်သည့် လုပ်ငန်းစဉ်၏ အထက်ပိုင်း လုပ်ငန်းစဉ်များနှင့် နိုင်ငံခြားမှ သံရိုင်းတင်သွင်းခြင်း စသည်တို.တွင် ပြန်လည် ရင်းနှီးမြှုပ်နှံနိုင်သည် ။

ဖိုင်ဘာအတု ထုတ်လုပ်မှုတွင်လည်း အလားတူပြဿနာများပင် ကြုံတွေ.ရသည် ။ ယခင်က ဖိုင်ဘာအတု ထုတ်လုပ်တော့မည်ဆိုပါက ကျွန်တော်တို.သည် ရေနံထုတ်လုပ်ခြင်းနှင့် ရေနံချက်စက်ရုံ တည်ဆောက်ခြင်းတို.ကို ပထမဆုံး စတင်ရသည် ။ နောက်ပိုင်းတွင် ဖိုင်ဘာအတုထုတ်သည့် စက်ရုံတချို.သည် ထုတ်လုပ်ရေးကို အရင်စတင်ပြီး ထုတ်လုပ်ရေးလုပ်ငန်းစဉ်၏ အထက်ပိုင်းလုပ်ငန်းစဉ်များကို ဆက်လက်ပြုလုပ်ကြသည် ။ ၁၉၈၁ ခုနှစ် ပြန်လည်ထိန်းညှိရေး ကာလအတွင်း၌ ကုန်ကြမ်းပစ္စည်း အဆင့်မှစ၍ ဝိုင်ယာနန်းဆွဲသည်အထိ ပြုလုပ်နိုင်သည့် ဖိုင်ဘာအတုထုတ်သည့် ထုတ်လုပ်ရေးလိုင်းတချို. တင်သွင်းခဲ့သည် ။ ၎င်းကို ထိုစဉ်က ရပ်နားထားခဲ့ရသည် ။ ပြန်လည်စတင်သည့်အချိန်တွင် ကျွန်တော်တို.သည် ပို၍စမတ်ကျလာပြီဖြစ်သည် ။ ထို.ကြောင့် ကျွန်တော်တို.သည် အဆုံးသတ်ထုတ်ကုန်ဖြစ်သည့် ဝိုင်ယာနန်းဆွဲသည့် လုပ်ငန်းစဉ်ဖြင့် စတင်ခဲ့သည် ။ ဤသည်မှာ ဂျန်စုပြည်နယ်ရှိ ယီဇန်ဖိုင်ဘာအတုစက်ရုံ စတင်လည်ပတ်ခဲ့သည့် ပုံစံဖြစ်သည် ။ ၎င်းသည် လျှင်မြန်စွာ တိုးတက်ကြီးထွားလာ၍ ဝင်ငွေအမြန်ပြန်ဖော်ထုတ်နိုင်ခဲ့ပြီး ထုတ်လုပ်ရေး၏ အထက်ပိုင်းလုပ်ငန်းစဉ်များတွင် ပြန်လည်ရင်းနှီးမြှုပ်နှံနိုင်ခဲ့သည် ။

ဤအချက်အားလုံးက ဘာကိုဖော်ပြနေသနည်းဆိုသော် တံခါးဖွင့်စနစ်အောက်တွင်သာ ကျွန်တော်တို.တွင် ရှိနေသည့် အားသာချက်များကို အသုံးချနိုင်ပြီး ကျွန်တော်တို.အတွက် လိုအပ်နေသည့် အရာများကို ကုန်သွယ်ရောင်းဝယ်နိုင်သည် ဆိုသည့်အချက်ကို ဖော်ပြနေပေသည် ။ နေရာဒေသတိုင်းနှင့် လူအဖွဲ.အစည်းတိုင်း၌ ၎င်းတို.၏ ကိုယ်ပိုင်အားသာချက်များ ရှိနေကြသည် ၊ ဆင်းရဲသည့် ဒေသများမှာပင်လျှင် ၎င်း၏အားသာချက်ရှိသည် ဥပမာအားဖြင့် လုပ်အားခ ဈေးပေါသည့် လုပ်သားအင်အားစု စသည်ဖြင့် ရှိနေသည် ။ ထိုအချက်မှာ နိုင်ငံတကာနှင့် ယှဉ်ပြိုင်ရာတွင် ကြီးမားသည့် အားသာချက်ပင်ဖြစ်သည် ။

အရာအားလုံးကို ကျွန်တော်တို.ကိုယ်တိုင် ပြုလုပ်ခြင်း၏ ရလာဒ်မှာ ကျွန်တော်တို.သည် ကျွန်တော်တို. အကောင်းဆုံးလုပ်နိုင်သည့် အရာတို.ကို ပြုလုပ်နေခြင်းမဟုတ် ဟူသည့်အချက်ဖြစ်သည် ။ ဤအချက်ကြောင့် ကျွန်တော်တို.သည် ဆုံးရှုံးမှုကြီးမားစွာ ကြုံတွေ.ခဲ့ရသည် ။ အကယ်၍ နိုင်ငံတစ်ခုသည် ပိတ်နေသည့် နိုင်ငံဖြစ်ပါက ၊ နိုင်ငံတကာ ဈေးကွက်တွင် ပါဝင်ခြင်းမရှိပါက ၊ သို.မဟုတ် နိုင်ငံတကာ ကုန်သွယ်ရေး၏ အားသာချက်များကို အသုံးမချပါက ထိုနိုင်ငံသည် နောက်ကျကျန်နေခဲ့မည်ဖြစ်ပြီး ခေတ်မှီရေးသည်လည်း ဖြစ်ထွန်းပေါ်ပေါက်လာနိုင်မည်မဟုတ်ကြောင်း ယခုအခါ ကျွန်တော်ပို၍ပို၍ နားလည်သဘောပေါက်လာခဲ့သည် ။

-----------------------------------------------------------------------------------------------------------------

၁ ။ ။ ဒါဇိုင်းမှာ ရှန်ဇီပြည်နယ်ရှိ တောင်ထူထပ်သည့် ဒေသတစ်ခု၏ နာမည်ဖြစ်ပြီး မော်၏ ခေတ်ကာလများအတွင်းက ကိုယ့်အားကိုယ်ကိုး စိုက်ပျိုးရေး စံပြမော်ဒယ် ဒေသတစ်ခုဖြစ်လာခဲ့သည် ။ နောက်ပိုင်း၌ ဝေဖန်ဆန်းစစ်သူများက စံပြမော်ဒယ်တစ်ခုအဖြစ် အောင်မြင်သည်ဟုဆိုသော အချက်ကို မေးခွန်းထုတ်ခဲ့ကြသည် ။
၂ ။ ။ တစ်ကတ်တီမှာ တရုတ်တို.၏ အလေးချိန်ခွင် အတိုင်းအတာတစ်ခုဖြစ်ပြီး ၅၀၀ ဂရမ်နှင့် ညီမျှသည် ။

(ကျောက်ကျိယန်၏ Prisoner of the State စာအုပ်မှ Part 3, Chapter 9 The Magic of Free Trade ကို ဘာသာပြန်ဆိုထားခြင်းဖြစ်ပါသည် ။)