အပျော်တမ်းသမား

၂၀၀၉ ခုနှစ် ဩဂုတ်လ ၁၀ ရက်နေ.ထုတ် Time မဂ္ဂဇင်းမှာပါတဲ့ Kurt Andersen ရဲ. The Avenging Amateur ဆိုတဲ့ Essay ကို ပြန်ဆိုထားပါတယ် ။ အမေရိကန် ဘဏ္ဍာရေးစနစ် လည်ပတ်နေပုံကို သရော်ထားပုံ၊ အပျော်တမ်းသမား စိတ်ဓာတ်ကို ရေးသားထားပုံ လေးတွေကို နှစ်သက်မိလို. ဘာသာပြန်လိုက်တာပါ ။ နှစ်သက်ကြလိမ့်မယ်လို. ယူဆမိပါတယ် ။

ဘဏ္ဍာရေးနှင့်ပတ်သက်၍ အလုံးစုံကို နားလည်ကျွမ်းကျင်သည့် ကိုတတ်ပ ဘဏ္ဍာရေးကျွမ်းကျင်သူများ (အပေါင်ခံစာချုပ်ရောင်းဝယ်သူများ ၊ ဝေါလမ်းမမှ ပညာရှင် ဈေးကွက်လောင်းကစားသမားများ ၊ ပြည်ထောင်စု အရံငွေကြေးအဖွဲ. အစရှိသည်) က ကျွန်တော်တို.၏ စီးပွါးရေးစနစ်ကို ကျွမ်းကျင်စွာ စီမံခန်.ခွဲနေသည့်အတွက် စိုးရိမ်ကြောင့်ကြနေရန်မလိုအပ်ဟု ၎င်းတို.အပေါ်ပုံအပ်ထား၍ မိမိဘာသာ အားရကျေနပ်နေခဲ့ရာမှ ဘဏ္ဍာရေးအကျပ်အတည်းကြီး ပေါ်ပေါက်ခဲ့ရသည် ။ သို.သော် အဆိုပါ ကျွမ်းကျင်သူများကလည်း အလားတူပင် နောက်ထပ်တစ်ခြား ကျွမ်းကျင်သူတို.ထံသို. သူတို.၏ အန္တရာယ်များကို လွှဲပြောင်းပေးလိုက်ပြီဟု ယူဆ၍ နှစ်သိမ့်ကျေနပ်နေကြပြန်သည် ။ ဤသို.ဖြင့် ကျွမ်းကျင်သူ အဆင့်ဆင့် စီမံခန်.ခွဲလာလိုက်ရာ တန်းစီဇယား၏ နောက်ဆုံးရှိကျွမ်းကျင်သူသည် အဆုံး၌ ကိုယ့်ထက်ပို၍ ရူးသွပ်သူ ဖြစ်နေသည် ။ ဤသို.ဖြင့် စနစ်ကြီးတစ်ခုလုံး ပြိုလဲပျက်စီးလေတော့သည် ။
ကျွန်တော်တို.သည် ကျွမ်းကျင်သူများကို လိုအပ်နေဆဲဖြစ်ပါသည် ။ သို.သော် ဆုံးဖြတ်ချက်အလုံးစုံအား သူတို.အပေါ်သော်လည်းကောင်း ဖြစ်ကတတ်ဆန်း ဖန်တီးထားသည့် သူတို.၏ စနစ်ကြီး အပေါ်သော်လည်းကောင်း စိတ်ချလက်ချ လွှဲအပ်ထားရန်မူ မဖြစ်နိုင်တော့ပါ ။ ဤတိုင်းပြည်သည် အဆုံး၌ စိတ်လှုပ်ရှားလွယ်သော အပျော်တမ်းသမားများက တည်ထောင်ခဲ့ခြင်းဖြစ်သည်။ အမေရိကန်စိတ်ဓာတ်သည် တကယ်တမ်းတွင် အပျော်တမ်းသမား စိတ်ဓာတ်သာဖြစ်သည် ။ ဥရောပမှ အလုံးအရင်းဖြင့် ပြောင်းရွှေ. အခြေချလာသူများသည် အပျော်တမ်း နယ်သစ်ရှာဖွေသူများဖြစ်ပြီး သူတို.၏ မြေးမြစ်တို.သည် အမေရိကန်ပြည်ထောင်စုကို တည်ထောင်ခဲ့သည့် အပျော်တမ်းနိုင်ငံရေးသမားများ ဖြစ်ကြသည် ။ “ဒီမိုကရေစီစနစ်ကို အပျော်တမ်းသမားများက အုပ်ချုပ်သောစနစ် ၊ကျွန်တော်တို.၏ အသိတရား၏ အကန်.အသတ်ရှိမှုကို ဝန်ခံသော နည်းလမ်းတစ်ခုအဖြစ် ထင်မြင်မိသည် ” ဟု ကွယ်လွန်သူ သမိုင်းညာရှင် ဒန်နီရယ်ဘုစတွန် ကရေးခဲ့သည် ။ ဆယ့်ကိုးရာစုအစောပိုင်း၌ အလက်စစ်ဒီတော့က်ဘီလ်က အမေရိကတွင် “အများနှင့်ဆိုင်သော အသက်မွေးလုပ်ငန်း” ကင်းမဲ့နေကြောင်း မှတ်ချက်ချခဲ့ဘူးသည် ။ ပညာရှင်နိုင်ငံရေးသမား ရှားပါးကြောင်းကို ဆိုလိုခြင်းဖြစ်သည် ။
သို.သော်ငြားလည်း “အပျော်တမ်းသမား” ဆိုသည့်ပုဒ်စုမှာ အပြုသဘောဆောင်သော နာမဝိသေသန တစ်ခုဖြစ်ခဲ့ပါသည် ။ အပျော်တမ်းလေ့လာလိုက်စားမှု ဆိုသည်မှာ တစ်စုံတစ်ယောက်က နယ်ပယ်တစ်ခု (ပညာရပ်နယ်ပယ်တစ်ခု ၊ အနုပညာရပ်တစ်ခု ၊ လက်မှုပညာရပ်တစ်ခု စသည်) ကို အလေးအနက်မထားဘဲ လေ့လာခြင်းဟု ဆိုလိုခြင်းမဟုတ်ပါ ၊ ဝင်ငွေရရှိရေးအတွက်မဟုတ်ပဲ ထိုပညာရပ်ကို နှစ်သက်မြတ်နိုးမှုအပေါ် အခြေခံ၍ လေ့လာလိုက်စားခြင်းဟု ဆိုလိုခြင်းဖြစ်ပါသည် ။
အပျော်တမ်းသမားတို.သည် သူတို.လုပ်ချင်သည်တို.ကို သူတို.လုပ်လိုသည့်ပုံစံ ၊ သူတို.လုပ်ချင်သည့် နည်းလမ်းများဖြင့် လုပ်ကြပါသည် ။ သူတို.သည် စည်းမျဉ်းစည်းကမ်းတို.ကို ဖောက်ဖျက်မိမည်ကို စိုးရိမ်ကြောင့်ကြမှု မရှိကြပါ ၊ အမှားအယွင်းများနှင့် ဆုံးရှုံးမှုများကို စိုးရိမ်ကြောင့်ကြစိတ်များကြောင့်လည်း တွန်.ဆုတ်သွားလေ့မရှိကြပါ ။ ပြည်သူတို.၏ တက်ကြွသည့် ပူးပေါင်းပါဝင်မှု ဆိုသည်မှာလည်း အမှန်စင်စစ်၌ အပျော်တမ်းစိတ်ဓာတ်ကို ဖော်ထုတ်ခြင်းသာဖြစ်သည် ။ “နေစမ်းပါဦးလေ…..ရှုံးနိုင်ခြေရှိမှုကို လက်လွှဲ အရောင်းအဝယ်လုပ်တယ် ဆိုတာကို ကျွန်တော်နားမလည်ပါဘူး ၊ ဘဏ်တစ်ဘဏ်အတွက် အရင်းဆပွါးကိန်း အချိုးအစား ဘယ်လောက်ရှိရမယ် ဆိုတာကိုလည်း ကျွန်တော်မသိပါဘူး” ဟု သင်ကဆိုပါလိမ့်မည် ။ ကျွန်တော်လည်း ၎င်းတို.ကို မသိပါ ၊ နားလည်းမလည်ပါ ။ ထိုနည်းတူစွာပင် ကျွန်တော်၏ ကျန်းမာရေးနှင့်ပက်သက်သည့် ကိစ္စအလုံးစုံကို စီမံခန်.ခွဲရန် အပျော်တမ်းဆရာဝန် တစ်ယောက်ထံ ပုံအပ်မထားချင်ပါ ။ သို.သော် ကျွမ်းကျင်သူဟု ယူဆရသူတို.က ရှင်းပြလာသည့် သင်္ကာမကင်းဖွယ် လုပ်ထုံးလုပ်နည်းများနှင့် ရေရာခြင်းမရှိသည့် စီမံကိန်းများကို အကဲဖြတ်ရာ၌မူ ပကတိဖြစ်ရပ်များအပေါ်အခြေခံ၍ သဘာဝကျကျ ဆုံးဖြတ်တတ်သည့် ကျွန်တော်တို.၏ ထင်မြင်ချက်များကို စိတ်ချအားကိုးနိုင်ပါသည် ။ အစွန်းတစ်ဖက်ရောက်တတ်၍ ဆန်.ကျင်ဖက် ဝိရောဓိတို.ရှိနေသည့် အမေရိကန်တို.၏ ဘက်နှစ်ဖက်ရှိသည့် စရိုက်သဘာဝကို နားလည်သည့်နည်းတူပင်ဖြစ်ပါသည် ။ ကျွန်တော်တို.သည် တစ်ဖက်တွင် လက်တွေ.ဆန် ၊ တည်ငြိမ်အေးဆေး၍ သဘာဝကျကျ နေထိုင်သည့် စရိုက်ရှိ၍ တစ်ခြားတစ်ဖက်တွင်မူ ခံစားချက်ပြင်းထန်၍ မိုက်ရူးရဲဆန်သည့် ဈေးကစားသူများဖြစ်ကြပါသည် ။ အပျော်တမ်းသမားစစ်စစ် စိတ်ဓာတ်မှာ ဤဝိရောဓိမှ ဆင်းသက်လာခြင်းဖြစ်သည် ။ ကျွန်တော်တို.သည် အသဲတစ်လှပ်လှပ်ရင်တစ်ဖိုဖိုိ သဲထိတ်ရင်ဖိုတို.ကို အရသာတွေ.နှစ်သက်သည့်တိုင် လက်တွေ.အားဖြင့် မိမိကိုယ်ကို နှိမ့်ချထားဖို. အထူးတလည် လိုအပ်ပါသေးသည် ။ အကြောင်းမှာ အပျော်တမ်းသမားသည် သူကိုယ်တိုင် သေသေချာချာ မသိနားမလည်သည့် အနေအထားများကြားသို. သူ.ကိုယ်သူ ပစ်တင်ထားရသောကြောင့်ဖြစ်သည် ။ ထိုသို.သောအခြေအနေ၌ ပြဿနာများကို ချဉ်းကပ်ရာတွင် ရှုမြင်ပုံအသစ်နှင့် ဖြေရှင်းနည်းအသစ်တို.ကို ရှာဖွေကြံဆဖို. လိုအပ်လာပါသည် ။ ရိုးသားစွာ ဝန်ခံရပါက အမေရိကန်တို.၏ ဤညွှန်းမှတ်ပြောင်းသွားချိန် တစ်နည်းအားဖြင့် ပြိုလဲပျက်စီးပြီးသွားချိန်နှင့် ပြန်လည်၍ မတည်ဆောက်နိုင်သေးမှီ ကြားကာလတွင် မည်ကဲ့သို. ရှေ.ဆက်စခန်းသွားရမည်ကို သေသေချာချာ မသိသေးခြင်းသည် လွတ်မြောက်ခြင်းဖြစ်၍ အတိမ်းအစောင်းမခံ အရေးပါလှပါသည် ။ ကျွန်တော်သည် ဝိရောဓိတို.ကို နှစ်သက်ပါသည် ။ ထို.ကြောင့်သာလျှင် ဘာသာရေးကို သိပ်မကိုင်းရှိုင်းသော်လည်း ဇင်ဗုဒ္ဓဘာသာက ကျွန်တော့်စိတ်ကို ဆွဲဆောင်နိုင်စွမ်း ရှိခြင်းဖြစ်ပါသည် ။ ဗုဒ္ဓဘာသာဝင်တို. ရရှိဖို. ကြိုးစားနေသည့် “ရှိုရှင်” သို.မဟုတ် “ လူသစ်တန်းစိတ်” ဟုခေါ်သည့် ဝိရောဓိသဘာဝကို လေ့လာကြည့်ကြပါစို. ။ “လူသစ်တန်းသမားတစ်ယောက်၏စိတ်တွင် ဖြစ်နိုင်ခြေများ အများအပြားရှိနေသည် ၊ သို.သော် ကျွမ်းကျင်သူတစ်ယောက်အတွက်မူ အနည်းငယ်မျှသာရှိသည်” ဟု သူ.ဘဝ၏ နောက်ဆုံး ၁၂ နှစ်လောက် အမေရိကန်တွင်နေသွားခဲ့သည့် ဂျပန်လူမျိုး ဇင်ဗုဒ္ဓဘာသာဆရာကြီး ရှန်နူဆူဇူကီး၏ ရေးသားချက်မှာ ကျော်ကြားလှပါသည် ။ ကျွန်တော့်အတွက်မူ ဤရေးသားချက်သည် ဘုစတွန် ပြောခဲ့သည့် အပျော်တမ်းသမားစိတ်ဓာတ်၏ အတွင်းသဘောနှင့် သဘောတရားအားဖြင့် များစွာကိုက်ညီသည်ဟု ထင်မိပါသည် ။ “စူးစမ်းလေ့လာမှု၏ အကြီးမားဆုံး အဟန်.အတားမှာ မသိနားမလည်မှုမဟုတ် ၊ အသိတရား၏ ဟုတ်ယောင်ထင် လှည့်စားမှုသည်သာ အဟန်.အတားဖြစ်သည်” ဟု ဘုစတွန်က ရေးခဲ့သည်။
ဤအယူအဆမှာ မရေမရာ အတွေးအခေါ်မဟုတ်ပါ ။ တကယ်စစ်မှန်၍ အလုပ်ဖြစ်သော အယူအဆ ဖြစ်ပါသည် ။ စတိဗ်ဂျော့ဘ်သည် အက်ပဲလ်ကို ပူးတွဲတည်ထောင်၍ ဆယ်စုနှစ်တစ်ခုကျော်အကြာ၌ သူ၏ဘုတ်အဖွဲ.မှ ထုတ်ပယ်ခြင်း ခံခဲ့ရသည် ။ သို.သော် သစ္စာဖောက်ခံရသည်ဟု ခံစားချက်များ ကွယ်ပျောက်သွားချိန်၌ ပစ်ဇာကုမ္ပဏီကို တည်ထောင်ခဲ့၍ နောက်ထပ်တစ်ဖန် အက်ပဲလ်၏ အသစ်ပြန်၍ အားသစ်လောင်းခြင်းကို ကြီးကြပ်ခန်.ခွဲရချိန်၌မူ သူ၏ဘဝကို ပြန်လည်၍ ချိန်ညှိခဲ့ရခြင်းမှာ ရုပ်ဖျက်၍လာသည့်ကံကောင်းခြင်း ၊ အဆိုးထဲမှ အကောင်းအဖြစ် သူသိရှိလက်ခံခဲ့သည် ။ “အောင်မြင်ခြင်းရဲ. လေးလံဝန်ပိမှုတွေကို လူသစ်တန်းတစ်ယောက်ရဲ. ပေါ့ပါးလတ်ဆတ်မှုတွေက ပြန်ပြီးအစားထိုးခဲ့တယ် ၊ ဘာတစ်ခုမှ မသေချာတဲ့ အခြေအနေပေါ့ ။ အဲဒီအနေအထားက ကျွန်တော့်ဘဝရဲ. ထိုးထွင်းတီထွင်မှုအရှိဆုံး ကာလတစ်ခုဖြစ်လာဖို. တွန်းအားပေးခဲ့တယ်” ဟု အလုပ်မှ ထုတ်ပယ်ခံရခြင်းနှင့်ပတ်သက်၍ ဂျော့ဘ်ကပြောခဲ့သည် ။ ဂျော့ဘ်ဘာကိုပြောချင်သည်ကို ကျွန်တော်သိပါသည် ။ လွန်ခဲ့သည့် ၁၃ နှစ်က နယူးယောက်မဂ္ဂဇင်း၏ အယ်ဒီတာအဖြစ်မှ အထုတ်ခံခဲ့ရခြင်းသည် ဝတ္ထုရေးဆရာတစ်ယောက် ၊ ရေဒီယို အစီအစဉ် တင်ဆက်သူတစ်ယောက်အဖြစ် ကျွန်တော့်ကိုကျွန်တော် ပြန်လည်၍ အသစ်တစ်ဖန် ဆန်းသစ်စေရန် လွတ်လပ်သွားစေခဲ့ပါသည် ။ အလုပ်မှ အထုတ်ခံရခြင်းသည် ကိုယ် ၊ စိတ်တို.၌ ဒဏ်ရာဒဏ်ချက်ဖြစ်စေ၍ ထိတ်လန်.တုန်လှုပ်ဖွယ်ဖြစ်ပါသည် ။ ကိုယ့်လမ်းကိုယ် ရှာရခြင်းသည် ရင်ဖိုစရာကောင်း၍ အားရစဖွယ်လည်း ဖြစ်ပါသည် ။ အမေရိကားနှင့် အမေရိကန်တို.အတွက် ယခုလက်ရှိတွေ.ကြုံနေရသည့် အကျပ်အတည်းအတွင်းမှ လွတ်မြောက်နိုင်မည့် နည်းလမ်းတို.ကို ရှာဖွေတွေ.ရှိ၍ ကံကောင်းကြပါစေသတည်း ။