ကောလိပ်ကျောင်းသားတို.မသိတာတွေ

၂၀၀၉ ခုနှစ် စက်တင်ဘာလ ၂၁ ရက်နေ.ထုတ် Time မဂ္ဂဇင်းမှာပါတဲ့ David McNew နဲ. Getty တို.ရေးထားတဲ့ What College Students Don't Know ဆိုတဲ့ Essay လေးကို ဘာသာပြန်ထားတာပါ ။ နှစ်စဉ်နှစ်တိုင်း မောင်မယ်သစ်လွင် ကျောင်းသားလေးတွေ ကောလိပ်ကို ဝင်လာချိန်မှာ Beloit College ကထုတ်ဝေလေ့ရှိတဲ့ Mindset List အကြောင်းကနေ အစတည်ပြီး ၊ နောက်ဆုံးမှာ နောက်မျိုးဆက်တွေက ကျွန်တော်တို.ကို ဘယ်လိုအကဲဖြတ်လေမလဲ ဆိုတဲ့ထိ သယ်ဆောင်ရေးသားသွားပုံလေးကို ကြိုက်လည်းကြိုက်မိ ၊ အကဲဖြတ်ခံရမှာကို ကြောက်လည်း ကြောက်မိနဲ.ပဲ ဒီရသစာတမ်းလေးကို ဘာသာပြန်လိုက်မိပါတယ် ။ ကဲကြည့်ကြဦးစို.ရဲ. ။


ဆောင်းဦးပေါက်ရာသီရောက်တိုင်း ဘဲလွိုက်ကောလိပ်မှ ပါမောက္ခများသည် အတန်းသစ်သို.ဝင်လာမည့် ကျောင်းသူကျောင်းသားအသစ်တို.၏ ဘဝနှင့် တွေးခေါ်ပုံအပေါ် ဩဇာသက်ရောက်နိုင်ဖွယ်ရှိသည့် ဖြစ်ရပ်များနှင့် အတွေ.အကြုံများကို စာရင်းပြုစုထားသည့် စိတ်နေစိတ်ထားစာရင်းကို ထုတ်ဝေလေ့ရှိသည် ။ ထိုစာရင်းသည် အရိုးစွဲနေသည့် ယဉ်ကျေးမှုဓလေ့ထုံးတမ်းများကို စာရင်းပြုစုထားခြင်းဖြစ်ပြီး တောက်ပသောမျက်လုံးလေးများနှင့် ကျောင်းသားသစ်လေးများအတွက် မည်သို.မျှ အဓိပ္ပါယ်မရှိပါ ။ ၎င်းသည် ကျွန်တော်တို. မည်မျှထိခရီးပေါက်ခဲ့ပြီဖြစ်ကြောင်း ၊ အချိန်ကာလအားဖြင့် မည်မျှဖြတ်သန်းခဲ့ပြီဖြစ်ကြောင်း ညွှန်ပြနေသည့် စာရင်းတစ်ခုသာဖြစ်သည် ။ ယခုနှစ် အတန်းသစ်သို. ဝင်ရောက်လာမည့် ကျောင်းသားများမှာ ပုံမှန်အားဖြင့် တစ်ထောင့်ကိုးရာကိုးဆယ့်တစ် ခုနှစ်က မွေးဖွားခဲ့သူများ ဖြစ်သည် ။ ဤစာရင်းကို ပြုစုရာတွင် (စာရင်းပြုစုသူတို.ကလည်း ရှင်းပြထားသည်) သူတို.သည် စာအုပ်တစ်အုပ်ကို ရှာသကဲ့သို. ကတ်တလောက်အညွှန်းနှင့် စနစ်တကျ ရှာဖွေ ပြုစုခဲ့ခြင်းမျိုးမဟုတ်ပါ ။ မက္ကဆီကိုဆော့၏ ရောင်းအားသည် မလေးရှားဆော့၏ ရောင်းအားကို ဖြတ်ကျော်တက်သွားသည် ၊ ကောလိပ်များတွင် အမျိုးသမီးဦးရေသည် အမျိုးသားဦးရေကို ကျော်လွန်နေသည် ။ ဂျယ်လိုတံဆိပ် ကျောက်ကျောပြာကမူ အမြဲရှိနေသည် မဟုတ်လော ။
ကျွန်တော်တို.သည် တစ်ထောင့်ကိုးရာကိုးဆယ့်တစ် ခုနှစ်အတွင်းက အီရတ်တွင် စစ်ပွဲတစ်ပွဲ တိုက်ခဲ့ကြသည် ၊ ယခုလည်း တိုက်နေဆဲပင် ၊ ကျန်းမာရေးစောင့်ရှောက်မှုစနစ်ကို ပြုပြင်ပြောင်းလဲရေးလုပ်ရန် ကြိုးစားခဲ့ကြသည် ၊ ယခုချိန်ထိလည်း ပြုပြင်ပြောင်းလဲရေး လုပ်နေရဆဲပင် ။ သို.သော် မပြောင်းလဲသည့် အရာတစ်ချို.ကို ကြည့်၍ စိတ်ဓာတ်ကျမသွားပါနှင့် အခြားပြောင်းလဲသွားသည့် နယ်ပယ်များ၌ မည်မျှထိ ပြောင်းလဲသွားခဲ့သည်ကို စဉ်းစားကြည့်ပါဦး ။ ကမ္ဘာကြီးသည် တစ်ထောင့်ကိုးရာကိုးဆယ့်တစ် ခုနှစ်၌ လူမည်းမော်တော်ဆိုင်ကယ်သမား ရော့ဒနီကင်းကို လော့စ်အိန်ဂျလိစ် ရဲအဖွဲ.က ဝိုင်း၍ရိုက်သည်ကို ကြည့်ခဲ့ကြရသည် ၊ ထိုရဲများကို တရားသေလွှတ်ပေးခဲ့သည်။ လူမျိုးခြားနှင့် လက်ထပ်ခြင်းကို လူဖြူအများစုက သဘောမတူနိုင်ကြသေးပါ ။ ထိုခေတ်ကာလက ကျွန်တော်တို.ပြည်သူများသည် လူဖြူ-လူမည်းကပြား သမ္မတနှင့် လူမည်းသမ္မတကတော်တို.ကို မဲပေးဖွယ်ရှိပါသလောဟု သင့်ဘာသာ ပြန်မေးခွန်းထုတ်ကြည့်ပါ ။
ထိုနှစ်အတွင်း၌ တောင်အာဖရိကနိုင်ငံတွင် အသားအရောင် ခွဲခြားမှုစနစ် အဆုံးသတ်သွားခဲ့သည် ၊ ဆိုဗီယက်ယူနီယံ ပြိုကျသွားခဲ့ပြီး ဒေါင်ဂျုန်းအညွှန်းကိန်းမှာ သုံးထောင်ခန်.ထိထိုးဆင်း ပြုတ်ကျသွားခဲ့သည်။ နောက်တစ်နှစ်အကြာ၌ လက်ကိုင်ဖုန်းမှတစ်ဆင့် ပို.နိုင်သည့် စာတိုတစ်စောင်ကို ပထမဆုံးအကြိမ် ပို.နိုင်ခဲ့သည် ၊ ယနေ.ချိန်ခါတွင်မူ ကမ္ဘာ.လူဦးရေထက်ပိုသော စာတိုများကို နေ.စဉ်နှင့်အမျှ ပို.နေကြလေပြီ ။ ကျွန်တော်တို.သည် ကလေးတစ်ယောက် လမ်းလျှောက်တတ်စ အရွယ်မှ ဆယ်ကျော်သက်အရွယ် ရောက်သွားသည့် အချိန်ကာလအတွင်း၌ လူသား၏ မျိုးရိုးဗီဇဂျင်းကို အဓိပ္ပါယ် ဖော်ထုတ်နိုင်ခဲ့သည် ၊ လူတိုင်း၌ အိုင်ပေါ့ ဂျီပီအက်စ် နှင့် ဒီဗွီအာ စက်တို. ပိုင်ဆိုင်နေကြလေပြီ ။ နှစ်ထောင့်တစ်ဆယ် ခုနှစ်အတွင်း၌ ခေတ်အစားဆုံးဖြစ်မည့် ထိပ်တန်းအလုပ်အကိုင် ဆယ်မျိုးမှာ လွန်ခဲ့သည့် ခြောက်နှစ်အကြာက မရှိသေးသည့် အလုပ်မျိုးဖြစ်သည် ။ ဆိုလိုသည်မှာ ကျွန်တော်တို.သည် ကလေးများကို မရှိသေးသည့် အလုပ်အကိုင် အမျိုးအစားများအတွက် မတီထွင်ရသေးသည့် နည်းပညာများကို အသုံးပြု၍ လေ့ကျင့်သင်ကြားပေးနေခြင်း ဖြစ်သည် ။
ကျွန်တော်တို.သည် ကျွန်တော်တို. မျှော်လင့်ခန်.မှန်းထားသည်ထက်ပိုသော အပြောင်းအလဲများကို (အတော်အသင့် ဣနြေ္ဒရှိစွာ) ဖြေရှင်းနိုင်ခဲ့ကြသည် ။ ဤအချက်က ဘာကိုပြနေသနည်းဆိုသော် အတိတ်ကာလက အနာဂတ်နှင့် ပက်သက်သည့် ကျွန်တော်တို.၏ မြော်မြင်မှန်းဆမှုများမှာ အမြော်အမြင် ရှိသင့်သလောက်ရှိခဲ့ပုံမရဟု ညွှန်းဆိုနေခြင်းဖြစ်သည် ။ ဖြစ်တော့ဖြစ်တတ်ပါသည် ၊ လက်တွေ.အဖြစ်အပျက်များက ကြိုတင်ဟောကိန်းထုတ်ထားသည်များကို ပျက်ရယ်ပြုလှောင်ပြောင်၍ အရှက်ရစေတတ်သည် ။ “စဉ်းစားချင့်ချိန်တတ်၍ တာဝန်သိသော မည်သည့်မိန်းမမျှ မဲပေးလိမ့်မည်မဟုတ်ပါ” ဟု ဂရိုဗာ ကလိဗ်လင်းက တစ်ထောင့်ကိုးရာငါးခုနှစ်က ပြောခဲ့ဖူးသည် ။ တစ်ထောင့်ကိုးရာငါးဆယ်ခုနှစ် ထောင်စုနှစ်လယ်အထိမ်းအမှတ် ပြည်ထောင်စုအခြေပြမိန်.ခွန်း၌ “ခုချိန်ကစပြီးတွက်လို. နောက်နှစ်ငါးဆယ်ဆိုရင် ကျွန်တော်တို.ရဲ. အမျိုးသားထုတ်ကုန်တန်ဖိုးဟာ ခုလက်ရှိထက် လေးဆတိုးလာမည်”ဟု ဟယ်ရီထရူးမင်းက ပြောခဲ့သည် ။ တကယ်တမ်း၌ သုံးဆယ့်သုံးဆ မျှတိုးတက်ခဲ့သည် ။ “အမျိုးသမီးတစ်ယောက် ဝန်ကြီးချုပ်ဖြစ်လာဖို.ဆိုတာ ကျွန်မဘဝရဲ. သက်တမ်းတစ်လျှောက်တင်မကပါဘူး နှစ်ကာလပေါင်း အတော်ကြာအုံးမှာပါ” ဟု တစ်ထောင့်ကိုးရာခြောက်ဆယ့်ကိုး ခုနှစ်၌ မာဂရက်သက်ချာက ပြောခဲ့ဖူးသည် ။
ခေါင်းဆောင်တို.သည် အနာဂတ်ကို ပစ္စုပ္ပန်အတွက် ကာကွယ်ဆေးအဖြစ် အားကိုးအားထားပြုတတ်ကြသည် ။ ဆိုဗီယက်တွေ အာကာသထဲကို လူလွှတ်တင်ပြီတဲ့လား ။ “လကမ္ဘာကို လူလွှတ်သင့်ပြီလို. ကျွန်တော်ယုံကြည်တယ်” ဟု သမ္မတကနေဒီက ကြေညာလိုက်သည် ။ သူ.ပတ်ဝန်းကျင်ကမ္ဘာတစ်ခုလုံး ဒုက္ခရောက်နေချိန်၌ သိက္ခာတော်ရ ဆရာတော် မာတင်လူသာကင်း ဂျူနီယာက “ကျွန်တော့်မှာ မျှော်လင့်ချက် အိပ်မက်တွေရှိတယ်” ဟု ကြေညာခဲ့သည် ။ ကတိစကားတို.ကို အကောင်အထည် ဖော်ကောင်းဖော်ပါလိမ့်မည် ၊ ရည်မှန်းထားသည်ထက်ပို၍ ဖြည့်ဆည်းနိုင်ကောင်း ဖြည့်ဆည်းနိုင်ပါလိမ့်မည် ၊ သို.တည်းမဟုတ် ကျွန်တော်တို.ကို ဒရွတ်တိုက်ဆွဲခေါ်၍ ဆုတ်ယုတ်သွားသည်လည်း ဖြစ်နိုင်ပါသေးသည် ။ “အနာဂတ်နဲ.ပက်သက်တဲ့ အကောင်းဆုံးအချက်က ၎င်းဟာ တစ်ကြိမ်မှာ တစ်ရက်ပဲ ဆိုက်ရောက်လာတဲ့အချက်ဖြစ်တယ်” ဟု အေဗရာဟမ်လင်ကွန်းက ဆိုခဲ့ဖူးသည် ။ ထိုအချက်မှာ အနာဂတ်ကို ဖန်တီးနေသူများအဖို. မှန်ကောင်းမှန်လိမ့်မည် ဖြစ်သော်လည်း ကျွန်တော်တို.အတွက်မူ မှန်နိုင်လိမ့်မည်မဟုတ်ပါ ။ ခဏမျှပြန်လည်၍ ငဲ့စောင်းကြည့်ပါက အတိတ်ကာလ၏ အနာဂတ်ကို ကျွန်တော်တို. ကြည့်မြင်နိုင်ကြပါသည် ၊ ဇာတ်လမ်းဇာတ်ကွက်တို. မည်သို.မည်ပုံ ပြောင်းလဲသွားသည်ကို မြင်နိုင်ကြသည် ။ အခက်အခဲတို.ကို ကျွန်တော်တို. ကြံ့ကြံ့ခံနိုင်ခဲ့ကြပါ၏လော ။ အောင်မြင်မှုရခဲ့ပါ၏လော ။ အခက်အခဲ ပြဿနာတို.ကို ကျွန်တော်တို. မမြင်ယောင်ပြု လစ်လျူရှုခဲ့ကြပါသလော ။
အတိတ်၏ အင်အားသည် အတွေ.အကြုံမှ ပေါ်ထွက်လာသည် ၊ ဒီတစ်ကြိမ်မှာတော့ အခြေအနေတွေဟာ အရင်ကနဲ.တူကောင်းမှတူမှာပါဟု ငြင်းပယ်ရဲစေသည် ။ အနာဂတ်၏ အင်အားသည် စမ်းသပ်ချက်များမှလည်းကောင်း ၊ အကြောက်တရားနှင့် မြော်လင့်ခြင်းတို.အကြား၌ အဆုံးမဲ့ အငြိုးတကြီး အာဃာတတရားဖြင့် ယှဉ်ပြိုင်ရာမှလည်းကောင်း ထွက်ပေါ်လာခြင်းဖြစ်သည် ။ ယခုလောလောဆယ်တွင် ကျွန်တော်တို.သည် အပြောင်းအလဲနှင့် ပက်သက်၍ တစ်ဒါဇင်မျှသော ဆွေးနွေးမှုများကို ပြုလုပ်နေကြသည်၊ ကျွန်တော်တို.၏ အဖွဲ.အစည်းများ ၊ ကျွန်တော်တို.၏ ယဉ်ကျေးမှု ၊ ကမ္ဘာမြေအပေါ် ပြုမူနေသည့် ကျွန်တော်တို.၏ အပြုအမူများ ၊ ကျွန်တော်တို.လူသားအချင်းချင်းကြားရှိ အပြုအမူများနှင့် ပက်သက်၍ ဆွေးနွေးငြင်းခုန်နေကြသည် ။
မျက်လုံးကိုစေ့စေ့ပိတ် ၊ တုပ်တုပ်မျှမလှုပ်ပဲ သူ.အလိုလို ဖြတ်သန်းပြီးဆုံးသွားချိန်ကို စောင့်ဆိုင်းနေရန် သို.မဟုတ် စည်သွတ်အစားအစာတို.ကို သိုလှောင်သိမ်းဆည်း၍ အဆိုးဆုံးကို မြော်လင့် လက်ခံလိုက်ရန် သွေးဆောင်ဖြားယောင်းနေသည် ။ ဤနွေရာသီသည် အငြင်းအခုန်တို.ဖြင့် ပြည့်နေသည့် အလွန်အရုပ်ဆိုးသည့် နွေရာသီဖြစ်သည် ၊ တစ်ခုခုကို ရင်ဆိုင်ရဲသည့် သို.မဟုတ် ထိုတစ်ခုခုကို ဖြေရှင်းရဲသည့် စိတ်အင်အားတွေ ကျွန်တော်တို.တွင် ပျောက်ဆုံးသွားပြီဟု ကောက်ချက်ချသည့်အတွက် သင့်ကို အပြစ်တင်လိမ့်မည်မဟုတ်ပါ ၊ ခွင့်လွှတ်ကြပါလိမ့်မည် ။ ကျွန်တော်တို. သိပြီးသားဖြစ်သည့် ၊ ကျွန်တော်တို.နှင့် ရင်းနှီးကျွမ်းဝင်ပြီးသားဖြစ်သည့် မကောင်းဆိုးရွားနှင့်အတူ ကခုန်နေကြရုံသာ ရှိတော့သည် ၊ ကျေးဇူးတင်ပါသည် ။ သို.သော် ဝါရှင်တန်ကို ကြည့်လိုက်ပါ ၊ ဝေါလမ်းမကို ကြည့်လိုက်ပါ ၊ ငြင်းခုန်နေတာတွေကိုရပ် ၊ အပြင်ထွက် လမ်းလေးလျှောက်ကြည့်လိုက်ပါ ၊ ကျက်သရေရှိမှု အဖြာဖြာ ၊ တီထွင်ထိုးထွင်းဥာဏ်ရှိမှု အစုစုကို သင်တွေ.ရပါလိမ့်မည် ။ အပြောင်းအလဲကို စကိတ်ဘုတ်ပမာ စီးနေကြသည့် လူတွေကို တွေ.ရလိမ့်မည် - လျှောလမ်းတစ်လျှောက် အရှိန်မြင့်သွားသည် ၊ လှည့်သည် ၊ ခုန်ပျံထွက်သွားသည် ၊ လေ၏အလျှင်ကဲ့သို. လျှင်မြန်ဖျတ်လတ်၍ သေသေသပ်သပ် ရပ်တန်.လိုက်သည် ။ ကျွန်တော်တို.ကို တစ်နည်းနည်းနဲ. အသေသတ်မပစ်သေးပါလားဟု တွေးမိပါလိမ့်မည် ။
သက္ကရာဇ် နှစ်ထောင့်နှစ်ဆယ့်ခုနှစ် ခုနှစ် မောင်မယ်သစ်လွင်တန်းမှ ကျောင်းသားသစ်လေးများ ကျွန်တော်တို.၏ အနာဂတ်ကို ပြန်၍ကြည့်မိပါက မည်သည့်အရာကများ သူတို.ကို အံ့ဩမဆုံး ဖြစ်စေမည်နည်း ။ တစ်ခါတုန်းက ဂေးအချင်းချင်း လက်ထပ်ခွင့် မပြုသည်ကိုလား သို.မဟုတ် ဂေးတွေလက်ထပ်ကြသည်ကို အံ့ဩနေကြမည်လား ။ ကမ္ဘာကြီး ပူနွေးလာသည်ကို ထိုင်စောင့်ကြည့်နေသည်ကိုလား သို.မဟုတ် ကမ္ဘာကြီးကို ကယ်တင်ခဲ့သည်ကို အံ့ဩနေကြမည်လား ။ ဆင်းရဲသားတွေကို အကာအကွယ်ပေးခဲ့သည်ကိုလား သို.မဟုတ် သူတို.ကို အားပေးမြှင့်တင်ခဲ့သည်ကိုလား သို.တည်းမဟုတ် လစ်လျူရှု ဥပေက္ခာပြုခဲ့သည်ကိုပဲ အံ့ဩနေကြမည်လား ။ ကျွန်တော်တို.သည် ကျွန်တော်တို.တတ်နိုင်သည့် အတိုင်းအတာအတွင်းတွင်ပဲ နေထိုင်ခဲ့ကြသည်ကိုလား သို.မဟုတ် တတ်နိုင်သည့် အတိုင်းအတာထက်ကျော်လွန်၍ နေထိုင်ခဲ့ကြသည်ကိုပဲ အံ့ဩနေကြလေမည်လား ။ ကျွန်တော်တို.သည် တစ်ကြိမ်လျှင် တစ်ရက်မျှ ရွေးချယ်နိုင်ကြပါသည် ၊ သို.သော် ကျွန်တော်တို.၏ ကလေးငယ်များသည် ကျွန်တော်တို. ထုတ်လုပ်ပြုလုပ်ခဲ့သည့် အရာများနှင့် ကျွန်တော်တို. မလုပ်ပဲချန်ထားခဲ့သည်များကို အခြေခံ၍ ကျွန်တော်တို.မျိုးဆက်ကို ဆုံးဖြတ်ကြပါလိမ့်မည် ။

(September 21, 2009 ခုနှစ်ထုတ် Time မဂ္ဂဇင်းမှ David McNew/Getty တို.၏ What College Students Don't Know ကိုသင့်လျော်အောင် ဘာသာပြန်ဆိုထားပါသည် ။)