စာအုပ်မိတ်ဆက် (နိုင်ငံတော်အကျဉ်းသား)

စာအုပ်မိတ်ဆက်

Prisoner of the State ဆိုတဲ့ စာအုပ်ကို ကျွန်တော် ဘာသာပြန်နေပါတယ် ။ ဒီစာအုပ်ဟာ ၁၉၈၇ ခုနှစ်ကနေ ၁၉၈၉ ခုနှစ်အတွင်း တရုတ်ပြည်ကွန်မြူနစ်ပါတီ အထွေထွေအတွင်းရေးမှုးအဖြစ် တာဝန်ယူခဲ့တဲ့ ကျောက်ကျိယန်ရေးတဲ့စာအုပ်ပါ။ ရေးတယ်ဆိုတာထက် နေအိမ်အကျယ်ချုပ် ဘဝမှာ သူအသံသွင်းထားခဲ့တဲ့ အသံသွင်းတိပ်ခွေတွေကို စာအုပ်အဖြစ်အသွင်ပြောင်းပြီး ၂၀၀၉ ခုနှစ်မေလအတွင်းမှာ ထုတ်ဝေခဲ့တဲ့စာအုပ်ပါ။ ၂၀၀၉ ခုနှစ် မေလ ၁၉ ရက်မှာ Simon & Schuster စာအုပ်တိုက်ကနေ ထုတ်ဝေခဲ့ပြီး စာမျက်နှာ သုံးရာကျော်ရှိပါတယ်။

ဒီစာအုပ်ဟာ ကျောက်ကျိယန်လိုမျိုး ပုဂ္ဂိုလ်တစ်ယောက်က တရုတ်ပြည်ခေါင်းဆောင်ပိုင်းတွေရဲ. ဘဝကို ပထမဆုံးအဖြစ် ပွင့်ပွင့်လင်းလင်း ရေးသားထားတဲ့စာအုပ်ပါ။ ကမ္ဘာ.အလျှို.ဝှက်ဆုံး တိုင်းပြည်တွေထဲက တစ်ခုဖြစ်တဲ့ တရုတ်ပြည်အကြောင်းကို ခေါင်းဆောင်ဟောင်းတစ်ယောက်ကိုယ်တိုင် ရေးသားထားခြင်းဟာ ဒီစာအုပ်ရဲ. ထူးခြားချက်တစ်ခုပါပဲ။

၁၉၈၉ ခုနှစ် တိန်အန်မင်ရင်ပြင် အရေးအခင်းမှာ ရာထူးကဖယ်ရှားခံခဲ့ရပြီးနောက် ကျောက်ကျိယန်ဟာ ၂၀၀၅ ခုနှစ် ကွယ်လွန်ချိန်ထိ နေအိမ်အကျယ်ချုပ်ဘဝနဲ.နေသွားခဲ့ရပါတယ်။ ဒီစာအုပ်ဟာ သူ.ရဲ.အထုပ္ပတ္တိ မဟုတ်ပါဘူး၊ သူရာထူးကမပြုတ်ခင် သုံးနှစ်အတွင်းက အဖြစ်အပျက်တွေကို ရေးထားခြင်းဖြစ်ပါတယ်။ ခေတ်သစ်တရုတ်ပြည်သမိုင်းကို တစ်စိတ်တစ်ပိုင်း လှစ်ဟပြနေတဲ့စာအုပ်တစ်အုပ်လို. ပြောရင်ရနိုင်လိမ့်မယ်ထင်ပါရဲ.။

ဒီစာအုပ်မှာ အပိုင်း ၆ ပိုင်းပါဝင်ပါတယ်။
၁။ The Tiananmen Massacre (တိန်အန်မင် လူသတ်ပွဲ)
၂။ House Arrest (နေအိမ်အကျယ်ချုပ်ဘဝ)
၃။ The Roots of China’s Economic Boom (တရုတ်ပြည်တိုးတက်ဖွံ.ဖြိုးမှုရဲ. အကြောင်းရင်းများ)
၎။ War in The Politburo (ပေါ်လစ်ဗျူရိုတွင်း နိုင်ငံရေးတိုက်ပွဲ)
၅။ A Tumultuous Year (ဗရုတ်ဗရက် ကာလ)
၆။ How China Must Change (တရုတ်ပြည်ကို ဘယ်လိုပြုပြင်ပြောင်းလဲရမလဲ) အစရှိသဖြင့် အပိုင်း၆ပိုင်းပါဝင်ပါတယ်။ အခုကျွန်တော်ဘာသာပြန်တာ အပိုင်း၁ ပြီးလုနီးပါပြီ။ ဒီအပက်ကနေစပြီး အပတ်စဉ် အနည်းဆုံး တစ်ပက်ကို တစ်ပုဒ်နှုန်းနဲ. ကျွန်တော့်ဘလော့မှာ တင်သွားပါမယ်။ တကယ်လို. နှစ်သက်တဲ့သူရှိလို. ဒီဘာသာပြန်ကို ကူးယူဖော်ပြမယ်ဆိုရင် ကျွန်တော့်ဘလော့ကနေ ကူးယူထားခြင်းဖြစ်ကြောင်း ဖော်ပြကြစေလိုပါတယ်။ အလျှဉ်းသင့်လို.ရှိရင် စာအုပ်တစ်အုပ်အဖြစ် ထုတ်ဝေဖို. စိတ်ကူးရှိလို. ခုလိုတောင်းပန်ရခြင်းဖြစ်ပါတယ်။

ဒီစာအုပ်ကိုဘာသာပြန်ရာမှာ မူရင်းစာအုပ်မှာပါတဲ့ အမှာစာနဲ. စကားချီးကို ချန်လှပ်ထားပြီး ကျောက်ကျိယန်ကိုယ်တိုင်ပြောတဲ့နေရာကနေစပြီး ပြန်ဆိုထားပါတယ်။ အမှာစာနဲ. စကားချီးကို ချန်လှပ်ထားခဲ့ခြင်းရဲ. အကြောင်းရင်းကတော့ ပွင့်ပွင့်လင်းလင်းပြောရရင် ပျင်းစရာကောင်းပြီး စာလေးမှာစိုးလို.ဖြစ်ပါတယ်။ တကယ်တမ်းက ဒီစာအုပ်ကြီးကိုယ်၌သည်ပင်လျှင် စိတ်မဝင်စားရင် လေးလံပျင်းရိဖွယ်ကောင်းလှပါတယ်။

ဒီစာအုပ်ကို ဖတ်ကြည့်ခြင်းအားဖြင့် ခေတ်သစ်တရုတ်ပြည်ရဲ. သမိုင်းကြောင်းတစ်စိတ်တစ်ဒေသကို သိရှိသွားနိုင်မှာ ဖြစ်သလို၊ အထူးသဖြင့် သူတို.ပြည်ရဲ. တိုးတက်မှုလမ်းကြောင်းကိုလည်း တစ်စွန်းတစ်စမျှ ရိပ်စားနိုင်ပါလိမ့်မယ်။ ကဲ…….စလိုက်ကြရအောင်။