စစ်မှန်သော မျိုးချစ်တို.သည် မဖြုန်းတီးကြပါ

၂၀၀၈ ခုနှစ် အောက်တိုဘာလ ၂ ရက်နေ.ထုတ် Time မဂ္ဂဇင်းမှာ ပါတဲ့ အက်ဆေးလေးတစ်ပုဒ်ကို ဘာသာပြန်ထားတာပါ။ စီးပွါးရေးတွေပျက်တော့ သူတို.ဆီမှာ ကျင့်ဝတ်ပိုင်းဆိုင်ရာတွေကို ပြန်လည်အလေးပေး ဆွေးနွေးလာကြပါတယ် ။ ဘဏ်တွေစပျက်ခါစတုန်းက အဲဒီအကြောင်းတွေကို တော်တော်လေးလိုက်ပြီးဖတ်ဖြစ်လိုက်တယ် ။ Essay လေးတွေကို ကြိုက်တတ်တဲ့နဂိုအခံလေးရှိနေတာကတစ်ကြောင်း ၊ အင်္ဂလိပ်စာလေးတော့ ပြန်ပြီးလုပ်အုံးမှသင့်တော်မယ်လို. တွေးမိတာကတစ်ကြောင်းကြောင့် အခုလိုရေးဖြစ်သွားတာပါ ။ ဘာသာပြန်တွေကို ကူညီပြီး ဖတ်ရှုတည်းဖြတ်ပေးတဲ့ kokzkhine ရဲ.တိုက်တွန်းမှုတွေကို အထူးပဲကျေးဇူးတင်ရမှာပါ ။ ဝိုင်းဝန်းဖတ်ရှုပြီး ဝေဖန်ဆွေးနွေးပေးကြပါအုံးဗျာ…..။

လူ.သမိုင်း၏ နှစ်သန်းပေါင်း သုံးသန်း နီးပါးကာလ အတွင်း၌ လူသားတို.သည် စုဆောင်းခြင်းနှင့် ရင်းနှီးမြှုပ်နှံခြင်းကို မိုက်မဲရိုးအ၍ ပြုလုပ်ရန်မလိုအပ်သည့် လုပ်ရပ်အဖြစ် ယူဆခဲ့ကြပါသည် ။ သမိုင်းတစ်လျှောက်၌ လူတို.သည် အမဲလိုက်ခြင်း ၊ စုပေါင်းလုပ်ကိုင်ကြခြင်း ၊ စားသုံးခြင်း ၊ ရေကြည်ရာ မြတ်နုရာသို. ရွှေ.ပြောင်းခြင်း စသည်တို.သာ ပြုလုပ်ခဲ့ကြသည် ။ ရွှေ.ပြောင်းလှည့်လည် နေသည့် လူမျိုးစုတို. အတည်တကျ အခြေချနေထိုင်၍ ထွန်ယက်စိုက်ပျိုးခြင်းကို စတင်ပြုလုပ်လာချိန် ရောက်မှသာလျှင် စုဆောင်းရန်နှင့် ကြိုတင်၍ စီစဉ်ရန် လိုအပ်လာခြင်း ဖြစ်သည် ။ မျိုးစေ့များနှင့် ပိုလျှံသည့် စိုက်ပျိုးသီးနှံတို.ကို တစ်ရာသီမှ နောက်တစ်ရာသီ အကူးထိ သိုလှောင်သိမ်းဆည်းထားရန် လိုအပ်လာခြင်းဖြစ်သည် ။ “စုဆောင်းခြင်း” ကို တန်ဖိုးမထားသည့် ယဉ်ကျေးမှုများသည် အဆုံးတစ်နေ.၌ လောင်ကျွမ်းပျက်စီး၍ သေဆုံးသွားတတ်သည်ဆိုသည့် အမှန်တရားကို ကျွန်တော်တို. သင်ယူနားလည် ခဲ့သည်မှာ နှစ်ပေါင်း တစ်သောင်းမျှသာ ရှိပါသေးသည် ။ ထိုနှစ်ကာလ အပိုင်းအခြားသည် သင်ခန်းစာ သံဝေဂ ယူရန် လုံလောက်သေးပုံ မရပါ ။
အင်ပါယာများ၏ အတက်နှင့် အကျပုံပြင်တို.ကို ပြန်လည်၍ သုံးသပ်ကြည့်လျှင် အခြေအနေ အရပ်ရပ်တို.မှာ ကောင်းမွန် အဆင်ပြေနေလွန်းသည့် အတွက် ဧကရာဇ်ဘုရင်တို.မှာ တစ်ခုခု မှားယွင်းသွားနိုင်သည် ဆိုသည့် သံသယ လုံးဝမရှိသည့် အချိန်တစ်ချိန် အမြဲတမ်းလိုလို ရှိနေသည်ကို တွေ.ရှိရသည် ။ ထို.ကြောင့်ပင် နီရိုးဘုရင်၏ အကြံပေး ပုရောဟိတ် ဆီနီကာက ဤကဲ့သို. သတိပေးခဲ့ခြင်း ဖြစ်ပေလိမ့်မည် “ခြိုးခြံချွေတာမှုဆိုသည်မှာ သင်၏ပိုက်ဆံအိတ် အောက်ခြေတွင် နောက်ဆုံးမှ ရှာဖွေတွေ.လေ့ရှိသည့် အမြဲတမ်း နောက်ကျလေ့ရှိသည့် အရာဖြစ်သည်” ။ ကမ္ဘာဟောင်း၏ သမိုင်းတစ်လျှောက်၌ နိုင်ငံတို.သည် ဆူဖြိုးကြီးထွားလာသည် ထို.နောက် ပျင်းရိလာလိုက်သည်မှာ သူတို.၏ အလေးချိန်ကို သူတို.မထိန်းနိုင်တော့ဘဲ နောက်ဆုံးလဲကျသွားသည် အထိပင်ဖြစ်သည် ။ သို.သော် ထိုပုံပြင်တို.မှာ ကျွန်တော်တို.၏ ပုံပြင်မဖြစ်စေရပါ ။ တည်ထောင်သူတို.၏ အမြော်အမြင် ကြီးမားမှုများ ၊ နယ်သစ်ရှာဖွေသူတို.၏ သတ္တိဗျတ္တိများ ၊ နိုင်ငံတည်ဆောက်ခဲ့သူတို.၏ လုံ.လဝီရိယ ကြီးမားမှုများ စသည့် အမေရိကန်တို.၏ ကြီးကျယ်မြင့်မြတ်မှုများက ကိုယ်ကျိုးစွန်.လွှတ်ခြင်းသည် နုနယ်သည့် နိုင်ငံတစ်ခုကို အင်အားကြီးမားလာစေသည့် ခွန်အားဖြစ်ကြောင်း ထင်ဟပ်နေခြင်း ဖြစ်ပါသည် ။ ဘဏ်များသည် စိတ်နှလုံးအတွက် ကျန်းမာရေးလေ့ကျင့်ခန်း ပြုလုပ်သည့် အားကစားရုံများ သဖွယ် ဖြစ်ခဲ့ပါသည် ။ ဘော့စတွန်နှင့် နယူးယောက်၏ ပထမဆုံးဘဏ်များမှာ ကုသိုလ်ဖြစ်လုပ်ငန်းများ ဆောင်ရွက်သည့် အဖွဲ.အစည်းများ အဖြစ် ပေါ်ပေါက်လာခဲ့ခြင်းဖြစ်သည် ။ ခရီးသွား ခရီးလာများသည်သူတို.၏ ပိုက်ဆံများကို ထိုနေရာတို.၌ အပ်နှံသိမ်းဆည်း ထားခြင်း ၊ ဤနည်းအားဖြင့် ထိုပိုက်ဆံတို.ကို သောက်စား သုံးဖြုန်းပစ်ရန် သွေးဆောင် ဖြားယောင်းမှုများမှ ကာကွယ်နိုင်ခြင်း စသည့် ဆုံးဖြတ်ချက်ကောင်းများ ချမှတ်သည့် လေ့ကျင့်ခန်းကို ပြုလုပ်နိုင်ကြပါသည်။ လွန်ခဲ့သည့် နှစ်ပေါင်းတစ်ရာခန်.က ဗိသုကာ လူးဝစ်ဆာလီဗန်သည် သူ၏ “ကျောက်မျက်သေတ္တာ” ဟု အမည်ပေးထားသည့် ဘဏ်၏ တံခါးတွင် “ခြိုးခြံချွေတာပါ” ဆိုသည့် စာလုံးတို.ကို ထွင်းထုထားခဲ့သည် ။ အဘယ်ကြောင့်ဆိုသော် ၎င်းသည် လူတစ်ယောက်ချင်းစီ ကျင့်သုံးနိုင်သည့် လူအများ၏ ကြွယ်ဝချမ်းသာမှုကို ဆောင်ကြဉ်းပေးနိုင်သော ကောင်းမွန်သည့် အလေ့အထ တစ်ခုဖြစ်သောကြောင့် ဖြစ်ပါသည်။
ထိုအလေ့အထသည် ဒုတိယကမ္ဘာစစ်ကြီးအပြီး ကလေးမွေးဖွါးနှုန်းများ မြင့်တက်သည့် ကာလနှင့်အတူ ပျောက်ကွယ်သွားခဲ့သည် ။ တကယ်တမ်းတွင် ထိုအလေ့အထတို.သည် မဟာစီးပွါးပျက်ကပ် ကတည်းကစ၍ တဖြည်းဖြည်း တိမ်ကောလာခြင်းဖြစ်ကြောင်း ယဉ်ကျေးမှုသမိုင်းပညာရှင် ဒေးဗစ်တပ်ကာက သူ၏ “အမေရိကတွင် ခြိုးခြံချွေတာမှု ကျဆင်းလာခြင်း” ဆိုသည့် စာအုပ်တွင် ဖော်ပြထားသည် ။ ထိုစီးပွါးပျက်ကပ်က စီးပွါးရေးပညာရှင်တို.အား ခြိုးခြံချွေတာမှုကို “စားသုံးသူ ယဉ်ကျေးမှု စီးပွါးရေး စနစ်၏ ခွေးသွားစိတ်များထဲသို. သဲတစ်ဆုပ် ပစ်ထည့်ပေးသည်. စက်ဆုပ်ဖွယ် အကျင့်ဆိုး” အဖြစ် ပြန်လည်၍ အဓိပ္ပါယ်ဖွင့်ဆိုရန် ဖိတ်ခေါ်ခဲ့သကဲ့သို. ရှိသည်ဟု သူကရေးခဲ့သည် ။ ၁၉၃၁ ခုနှစ် အိမ်ဖြူတော် အစီရင်ခံစာ တစ်စောင်၌ ကလေးများအား သူတို.၏ ကိုယ်ပိုင်အဝတ်အစားနှင့် အသုံးအဆောင်များကို ရွေးထုတ်တတ်စေရန် လေ့ကျင့်ပေးသင့်ကြောင်း မိဘတို.ကို တိုက်တွန်းထားသည် ။ ဤသို.အားဖြင့် မိမိနှင့် မိသားစု၏ ပိုင်ဆိုင်မှုအပေါ် ဂုဏ်ယူစိတ်နှင့် နောက်ဆုံး၌ သူ၏ ကိုယ်ရည်ကိုယ်သွေးကို အရာဝတ္ထုများမှတစ်ဆင့် ဖော်ပြနိုင်ကြောင်း ကလေးအား သင်ကြားပေး လေ့ကျင့်ပေးရန် ဖြစ်သည် ။ ယနေ.အချိ်န်အခါတွင်မူ သင်၏သမီးငယ်အတွက် ပန်းရောင် ပိုက်ဆံအိတ် အငယ်စားလေး တွဲချုပ်ထားသည့် ကလေးဝတ် အပေါ်အောက် တွဲလျှက်ရှိသည့် “ဈေးဝယ်ဖို. မွေးဖွားလာ” ဝတ်စုံလေးကိုပင် ဝယ်ယူနိုင်ပြီဖြစ်သည် ။
ဤကာလ၏ ခရီးတစ်လျှောက် တစ်နေရာရာ၌ ခြိုးခြံချွေတာခြင်းသည် တန်ဖိုးထားဖွယ် နှုန်းစံတစ်ရပ် အဖြစ်မှ လျှောကျသွားရုံမျှသာမက မိုက်မဲမှုတစ်ခုအဖြစ်ပင် အသွင်ပြောင်းသွားခဲ့သည် ။ စုဆောင်းခြင်းသည် လူဖျင်းလူအ,တို. အတွက်ဖြစ်သည် ။ လူ.ဘဝ၏ ရွှင်မြူးဖွယ် ရသတို.နှင့် လွဲချော်သွားလိမ့်မည် ။ ပျော်ပျော်ပါးပါး သုံးဖြုန်းနေနိုင်ပါလျက်နှင့် ပိုက်ဆံတွေ စားပွဲပေါ်ချန်ပြီး သေဆုံးသွားရတော့မည်လော ။ “သေသူ၏ ဝတ်စုံတွင် ပိုက်ဆံအိတ် မပါ” ဟု ဆိုရိုးစကားလည်းရှိနေသေးသည် ။ ကျွန်တော်တို.သည် တစ်ရံရောအခါက ဝင်ငွေ၏ ၁၅ ရာခိုင်နှုန်းခန်. စုဆောင်းခဲ့ကြပြီး အစစအဆင်ပြေ အောင်မြင်နေသည့် ၈၀ ခုနှစ် ဝန်းကျင်ကာလများ၌ ၄ ရာခိုင်နှုန်းခန်.စုဆောင်းခဲ့ကြသည် ။ ယခုအခါ၌မူ ကျွန်တော်တို.၏ စုဆောင်းနှုန်းမှာ အနုတ်လက္ခဏာ ပြနေလေပြီ ။ “ဘဏ်ဆိုသည်မှာ သင့်အတွက် ပိုက်ဆံမလိုအပ်ကြောင်း သက်သေပြနိုင်လျှင် ငွေချေးပေးသည့် နေရာဖြစ်သည်” ဟု တစ်ခါတုန်းက ဘော့ဘ်ဟုပ်က ပြက်လုံးထုတ်ခဲ့ဖူးသည် ။ သို.သော် အတိုးနှုန်းကြီးကြီးနှင့် ငွေချေးပေးခြင်းမှာ အချိုရည်ကုန်သွားပြီးနောက် စက်ဆုပ်ဖွယ် လုပ်ရပ်ဖြစ်သွားပြီးလျှင် ငွေကိုလည်း လွယ်လွယ်ကူကူ ချေး၍ရသည့် ယနေ.လိုခေတ်ကာလမျိုး၌ ဤပြက်လုံးမှာလည်း ပြောင်းလဲသွားခဲ့လေပြီ ။ ယနေ.ခေတ် အချိန်အခါတွင် အမေရိကန်လူမျိုး အများစု၌ တစ်ယောက်လျှင် အကြွေးဝယ်ကတ် ၉ ကတ်မျှထိ ရှိကြသည် ။ ဤအရေအတွက်မှာ စုစုပေါင်း ဒေါ်လာ တစ်သောင်းခုနှစ်ထောင် ဖိုးမျှ အကြွေးဝယ်ယူနိုင်သော ကတ်အရေအတွက် ဖြစ်သည် ။ ကျွန်တော်တို.ကို အမှန်တကယ် အိုမင်း ရင့်ရော်သွားစေရန် တွန်းပို.ပေးသည့် လူနေမှုပုံစံတစ်ရပ် အတွက် ကျွန်တော်တို.သည် ကျွန်တော်တို.၏ အိမ်များ ကျွန်တော်တို.၏ ပင်စင်ရံပုံငွေ စုဆောင်းငွေများကို လက်ညှိုးထိုးပြကာ ငွေများကို ချေးယူခဲ့ကြသည် ။ “ရောင်စုံ ရုပ်ပုံများဖြင့် သေသေချာချာ ရှင်းလင်းပြသနိုင်ခြင်း မရှိသည့် မည်သည့် စိတ်ကူးအကြံအစည်တွင်မျှ ရင်းနှီးမြှုပ်နှံမှု မလုပ်ပါနှင့်” ဟု ဖီဒယ်လတီမှ စီစဉ်ညွှန်ကြားသူ ပီတာလင်း က ပြောခဲ့ဖူးသည် ။ သို.ရာတွင် ကျွန်တော်တို.သည် ဘယ်သောအခါမှ မဆုံးရှုံးနိုင်ပါ ဆိုသည့် အနှစ်မပါ ဗလာသက်သက် ကတိစကားမှလွဲ၍ မည်သည့်အရာကိုမျှ မိမိကိုယ်တိုင် နားလည်ခြင်းမရှိသည့် ရင်းနှီးမြှုပ်နှံမှု မျိုးစုံကို လိုလိုလားလား လက်ခံပြုလုပ်ခဲ့ကြပေပြီ ။ စီးပွါးရေး စတင်ကျဆင်းလာချိန်တွင်လည်း သုံးလို.ကောင်းတုန်းပင် ။ ဘဏ်စာရင်းတွင် ရှိသည့်ငွေထက် ပို၍ထုတ်သုံးကာ ပြန်လည် ရရှိလာမည့် လျှော.ဈေးပြန်အမ်းငွေ ချက်လက်မှတ်တို.ကို မျှော်နေကြပုံမှာ ရုပ်မြင်သံကြားစက် အသစ်ကိုဝယ်၍ ကျသင့်ငွေကို မိမိ၏ရင်သွေး ကလေးတို.အား ပေးချေ နေစေခြင်းကို သာယာမိန်းမူး နေသည့်နှယ်ပင်ဖြစ်သည် ။ ပြည်နယ်အစိုးရတို.သည်လည်း ထီလက်မှတ်ရောင်းခြင်းဖြင့် ရရှိလာသည့် ငွေကြေးတို.ဖြင့် ကလေးငယ်တို.အား တာဝန်သိတတ်သည့် လူများဖြစ်လာစေရန် ရည်ရွယ်သည့် စာသင်ကျောင်းများကို ထောက်ပံ့ကြေးပေးနေလေပြီ ။
ဂျော့ခ်ျဒဗလျူဘုရ်ှသည် ကျင့်ဝတ်သိက္ခာပိုင်းဆိုင်ရာ အကြောင်းအရာတို.ကို မူဝါဒရေးရာ ဆွေးနွေးပွဲများတွင် ထည့်သွင်းဆွေးနွေးရန် မည်သည့်အခါမျှ နှောင့်နှေးတွန်.ဆုတ်ခြင်း မရှိခဲ့ပါ ။ “မကောင်းဆိုးဝါး ဝန်ရိုးတန်း” နိုင်ငံများကို ပြင်းပြင်းထန်ထန် ဝေဖန်တိုက်ခိုက်ခဲ့သည် ။ ဝင်ငွေခွန် လျှော့၍ ကောက်ခံခြင်းကို အလုပ်ကြိုးစား လုပ်သည့် ပြည်သူများ အပေါ်မှ “တရားမျှတခြင်းမရှိသော ဝန်ထုပ်ဝန်ပိုးကို ဖယ်ရှားခြင်း” အဖြစ် ပုံဖော်ခဲ့သည် ။ အကောက်ခွန်နှုန်း လျှော့ချခြင်းကို “ကျင့်ဝတ်ပိုင်းဆိုင်ရာအရ ရှောင်လွှဲ၍ မရသော” လုပ်ရပ် အဖြစ် ရည်ညွှန်း သုံးစွဲခဲ့သည် ။ သို.သော် “ခြိုးခြံချွေတာခြင်း” နှင့်ပက်သက်၍မူ ဘယ်တုန်းကမှ မဆွေးနွေးခဲ့ပါ ။ သိုသိပ်ချုပ်တည်းသည့် အလေ့အထကို ပြန်လည် အသက်သွင်းရေးသည် အပြောင်းအလဲသိပ်မကြိုက်သော ရှေးရိုးစွဲဝါဒီ တို.အတွက် အလွန်ဝန်လေးစေပြီး သူ.အနေဖြင့် ကြုံတောင့်ကြုံခဲ တစ်ခါတစ်ရံမှသာ ဆွေးနွေးသည့် အကြောင်းအရာဖြစ်သည် ။ အမြော်အမြင်ရှိရှိ ဆင်ဆင်ခြင်ခြင် နေထိုင်သည့် အလေ့အထ၏ နေရာတွင် ဝင့်ဝါဖြုန်းတီးခြင်းကို မျိုးချစ်စိတ်ရှိသော လုပ်ရပ်အဖြစ် အစားထိုးပစ်သည့် ခေတ်သစ်အမေရိကန် သမိုင်း၏ ဝမ်းနည်းဖွယ် အကောင်းဆုံးနေ.ရက်များ ကုန်လွန်သွားပြီးချိန်မှသာလျှင် “ဈေးဝယ်ထွက်လိုသည့်” ပြည်သူများကို ဘုရ်ှက တိုက်တွန်းခဲ့ခြင်း ဖြစ်သည် ။
ယခုလက်ရှိဖြစ်နေသည့် အကျပ်အတည်း၌ ကျွန်တော်တို.သည် နောင်တရနေခြင်းလော သို.တည်းမဟုတ် အသုံးစာရိတ်တို.ကို လျှော့ချဖြတ်တောက်နေရုံမျှသာလော ဆိုသည်ကို ပြောနေရန်မလိုပါ ။ “ချွေတာပါ” - စတိုးဆိုင်များ၏ ရောင်းအားများ တက်နေသည် ။ ကားတွေ သေးငယ်သွားသည် ။ ပီဒစ်ဒီသည် လောင်စာဆီ အသုံးချွေတာရန် သူ၏ ကိုယ်ပိုင်ဂျက်လေယာဉ်ကို မသုံးတော့ဘဲ အနားပေးလိုက်သည် ။ ခက်ခဲကြမ်းတမ်း၍ အတိဒုက္ခရောက်နေချိန်များ၌ လူတို.သည် အမြော်အမြင်ရှိရှိ နေထိုင်ခြင်းက ဆောင်ကြဉ်းပေးသည့် ငြိမ်းချမ်းမှုကို ပြန်လည်၍ တွေ.လေ့ရှိပါသည် ။ မနက်ဖြန်တွင် အခြေအနေတို. ပို၍ဆိုးကောင်းဆိုးလာနိုင်သည်.အတွက် ယခုသင့်တွင်ရှိနေသည်ထက် အနည်းငယ်မျှ လျှော့၍သုံးခြင်းသည် အမြော်အမြင် ကြီးရာ မရောက်ပါလော ။ သို.သော် ထိုသို. နေထိုင်ခြင်းမှာ “အမေရိကန်မဆန်” ဟု ခံစားရစေပါသည် ။ ကျွန်တော်တို.သည် သဘာဝအားဖြင့် အကောင်းမြင်တတ်ကြပြီး ကိန်းကြီးခန်းကြီး နေထိုင်ခဲ့သည်မှာ ကြာမြင့်လှပြီ ဖြစ်သည့်အတွက် ကြွေးမြီကင်းကင်း ရိုးရိုးရှင်းရှင်း နေထိုင်ခြင်းသည် ကျွန်တော်တို.အတွက် စွန်.လွှတ်ခြင်းတစ်မျိုးအဖြစ် ခံစားရစေနိုင်ပါသည် ။ ဤသည်တို.ကို ကုစားရန်အတွက် ရေရှည်တည်တံ့မည့် အမူအကျင့်ဆိုင်ရာ ပညာရေးစံနစ်နှင့် အမေရိကအတွက် မနက်ခင်းတို.ပြန်လည် နိုးထလာစေဖို. သန်းခေါင်ယံကို ရင်ဆိုင်ဖို. ပြင်ဆင်ထားဖို.လိုကြောင်း နားလည်သည့် ခေါင်းဆောင်မှုမျိုး လိုအပ်ပါသည် ။

(October 2, 2008 ခုနှစ်ထုတ် Time မဂ္ဂဇင်းမှ Nancy Gibbs ၏ Real Patriots Don't Spend ကို သင့်လျော်အောင် ပြန်ဆိုထားပါသည် ။)