တရုတ်ပြည် စီးပွါးရေး ဖွံ.ဖြိုးတိုးတက်ခြင်း၏ အကြောင်းရင်းများ ၊ အခန်း ၆ (နိုင်ငံတော် အကျဉ်းသား)

အပိုင်း ၃

တရုတ်ပြည် စီးပွါးရေး ဖွံ.ဖြိုးတိုးတက်ခြင်း၏ အကြောင်းရင်းများ

အခန်း ၆

ပြိုင်ဘက်တစ်ယောက်အပေါ် ဥပါယ်တံမျဉ်သုံးခြင်း

ပါတီခေါင်းဆောင်များကြားတွင် “တကျက်ကျက် စကားများ အငြင်းပွါးခြင်း”ကို မနှစ်သက်ကြောင်း

တိန်.ရှောင်ပင်းက လူသိရှင်ကြား ပြောကြားခဲ့ဖူးသည် ။ သို.သော်လည်း ပြုပြင်ပြောင်းလဲရေး၏

အရှိန်နှုန်း ၊ ဦးတည်ရာတို.နှင့်ပက်သက်၍ အခြေခံကျသည့် ကွဲပြားမှုများမှာ

တည်ရှိမြဲတည်ရှိနေဆဲဖြစ်သည် ။ ပွင့်လင်းသည့် ငြင်းခုန်ဆွေးနွေးမှုများကို ခွင့်မပြုသောကြောင့်

သဘောထားကွဲပြားမှုများကို ဖြေရှင်းရာတွင် တစ်ဆင့်ခံသွယ်ဝိုက်သည့် နည်းလမ်းများလိုအပ်ကြောင်း
ကျောက်ကဖော်ပြထားသည် ။

ဤစာစုတွင် ကျောက်က လက်ဝဲဝါဒီ ပါတီဝါရင့်ကြီး ချန်ယန်း၏ ဆန်.ကျင်မှုများကို ကျော်လွှားနိုင်ဖို.

စကားလုံးအသုံးအနှုန်း လှလှပပသုံး၍ ဥပါယ်တံမျဉ်ဖြင့် မည်သို.လှည့်စားခဲ့ကြောင်း ပြောပြထားသည်။

ဤနည်းအားဖြင့် စီးပွါးရေးကဏ္ဍတွင် စီမံကိန်းစနစ်ကို အဓိကဦးစားပေးလိုသည့် ချန်ယန်း၏ ဆန္ဒကို

သူ.အနေဖြင့် လျစ်လျူရှုနိုင်ခဲ့သည် ။ တရုတ်ပြည်၏ ဖွံ.ဖြိုးရေးအတွက် သူ.အနေဖြင့် မှန်ကန်သည့်

လုပ်ရပ်တစ်ခုကို ပြုလုပ်ခဲ့ခြင်းဖြစ်သည်ဟု ယုံကြည်ထားသည့်အတွက် ကျောက်သည်နောင်တမရခဲ့ပေ။

ရဲဘော်တိန်.ရှောင်ပင်းသည် ဈေးကွက်၏စွမ်းအားကို နှစ်ကာလကြာရှည်စွာကတည်းကပင် အလေးပေးခဲ့သည် ။ “ဆိုရှယ်လစ်စနစ်ဟာ ဈေးကွက်စီးပွါးရေးရဲ. အခန်းကဏ္ဍကို မပစ်ပယ်ဘူး”ဟု သူကပြောခဲ့သည် ။ သူသည် ထိုသတင်းစကားကို အခါများစွာပင် ထပ်ခါထပ်ခါ ပြောကြားခဲ့သည် ။ စီမံကိန်းစီးပွါးရေးနှင့် ဈေးကွက်စီးပွါးရေးကို ပေါင်းစပ်ရာ၌ အခြေအနေပေါ်မူတည်၍ မည်သည့်ကဏ္ဍက ဦးဆောင်နေသည်ဆိုသည့် အနေအထားအပေါ်မူတည်၍ ပြောင်းလွယ်ပြင်လွယ် ရှိရမည်ဟု သူကပြောသည် ။ ၁၂ ကြိမ်မြောက် ဗဟိုကော်မတီ တတိယအကြိမ် စုံညီအစည်းအဝေး (၁၉၈၄ ခုနှစ်တွင် ကျင်းပခဲ့သည်)တွင် ချမှတ်ခဲ့သည့် စီးပွါးရေးပြုပြင်ပြောင်းလဲရေး ဆုံးဖြတ်ချက်တွင် ဈေးကွက်အလိုအတိုင်းဖြစ်ပေါ်နေသည့် ဝယ်လိုအားနှင့်ရောင်းလိုအားတို.၏ သဘာဝအလျှောက် ဆက်စပ်နေမှုနှင့် ဈေးကွက်စွမ်းအားတို.၏ အရေးပါမှုတို.ကို အလေးပေးဖော်ပြထားခဲ့သည် ။ ဤဆုံးဖြတ်ချက်၌ ဆိုရှယ်လစ်စီးပွါးရေးစနစ်ကို “လူသုံးကုန်ပစ္စည်း စီးပွါးရေးစနစ်၁”ဟု အဓိပ္ပါယ်ဖွင့်ဆိုခဲ့သည် ။

တိန်.သည် ဤဆုံးဖြတ်ချက်ကို လွန်စွာသဘောကျနှစ်သက်ခဲ့ပြီး “နိုင်ငံရေးရာစီးပွါးရေးစနစ်အတွက် သီအိုရီအသစ်”ဟုပင် သဘောထားယူဆခဲ့သည် ။ ၁၉၈၈ ခုနှစ်အတွင်းက တိန်.နှင့်ကျွန်တော် ဆွေးနွေးဖြစ်ခဲ့သည့် သီးသန်.စကားဝိုင်းတစ်ခု၌ ပါတီဝါရင့်ကြီး ချန်ယန်းနှင့် လီရှန်နင်းတို.၏ အယူအဆများနှင့်ပက်သက်၍ စကားစပ်မိရာ၌ ကျွန်တော်တို.၏ စီးပွါးရေးစနစ်သည် ဆိုဗီယက်ယူနီယံ၏ စီးပွါးရေးပုံစံကို အတုယူထားခြင်းဖြစ်ကြောင်း တိန်.ကပြောကြားခဲ့သည် ။ သို.သော် ဆိုဗီယက်တို.ကိုယ်တိုင်သည်ပင်လျှင် ဤပုံစံကို စွန်.လွှတ်ခဲ့ချိန်၌ ကျွန်တော်တို.က မည်သည့်အတွက်ကြောင့် တင်းကျပ်စွာ ဖက်တွယ်ထားသင့်ပါသနည်း ။ ၁၉၉၂ ခုနှစ်၌ သူ၏ပြောကြားမှုများတွင် တိန်.က ဤအယူအဆကို အတိအလင်းပင် ဖော်ပြခဲ့ပါသည် ။ သူသည် အခြေအနေ အချိန်အခါ ကွဲပြားမှုများအပေါ်မူတည်၍ မတူခြားနားသည့် အကြောင်းအရာများကို ပြောကြားခဲ့သည့်တိုင်အောင် လူသုံးကုန်ပစ္စည်း စီးပွါးရေး ၊ ရောင်းလိုအားနှင့် ဝယ်လိုအား၏ သဘောသဘာဝနှင့် ဈေးကွက်စီးပွါးရေးတို.ကို အမြဲလိုပင် တိမ်းညွတ်ဦးတည်ခဲ့ပေသည် ။

ရဲဘော်ဟူယောင်ဘန်းသည်လည်း စီမံကိန်းစီးပွါးရေးစနစ်နှင့်ပက်သက်၍ အလားတူပင် အားတက်သရောမရှိလှပေ ။ ကျွန်တော်၏ အမြင်အရ သူသည် စီမံကိန်းစီးပွါးရေးကို အပေါ်-အောက် လွန်မင်းစွာ ထိန်းချုပ်ထားသည့် ပုံစံတစ်ရပ်ဖြစ်ပြီး လူအများ၏ လုပ်ကိုင်လိုစိတ်နှင့် တီထွင်ဖန်တီးလိုစိတ်တို.ကို ကန်.သတ်ထားပြီး ဒေသဆိုင်ရာအဆင့်နှင့် စီးပွါးရေးလုပ်ငန်းနယ်ပယ်တို.၌ ကိုယ်တိုင်စတင်ပြီး ရှေးဦးလုပ်ဆောင်လိုစိတ်တို.ကို ထိန်းချုပ်ကန်.သတ်ထားသည့် စနစ်ဖြစ်သည်ဟု သူက ယုံကြည်ထားသည်ဟု ကျွန်တော်ထင်သည် ။ ဆိုရှယ်လစ်လူ.အဖွဲ.အစည်းတစ်ခု တည်ဆောက်ရာတွင် လူများ ၊ စီးပွါးရေးလုပ်ငန်းများနှင့် ဒေသဆိုင်ရာ အစိုးရများအား လွတ်လပ်အမှီအခိုကင်းစွာ လှုပ်ရှားခွင့်ပြုဖို. လိုအပ်ပြီးလျှင် နိုင်ငံတော်က လူမှုလှုပ်ရှားမှုကန်ပိန်းများဖြင့် လှုံ.ဆော်ပြီး ၎င်းတို.၏ အင်အားတို.ကို စုစည်ပြီး လမ်းညွှန်မှုပေးရမည်ဟု သူက ယုံကြည်သည် ။

သို.သော် ချန်ယန်းနှင့် လီရှန်နင်းတို.ကမူ စီမံကိန်းစီးပွါးရေးစနစ်၏ အရေးပါမှုကို အလေးပေးကြသည် ။ အထူးသဖြင့် ချန်ယန်းဖြစ်သည် သူ၏အယူအဆများသည် ၁၉၅၀ ခုနှစ်က အယူအဆများအတိုင်း မပြောင်းမလဲရှိနေဆဲဖြစ်သည် ။ သူပြောသမျှ မိန်.ခွန်းတိုင်း၌ “စီမံကိန်းစီးပွါးရေးက ပထမဦးစားပေး ၊ ဈေးကွက်လိုအပ်ချက်အတိုင်း ထိန်းညှိရေးက အရန်အစီအစဉ်”ဆိုသည့် စကားစုကို အမြဲလိုထည့်ပြောလေ့ရှိသည် ။ ပြုပြင်ပြောင်းလဲရေးအစီအစဉ်များ အရှိန်ကောင်းစွာရပြီးသည့်တိုင်အောင်ပင် သူ.မိန်.ခွန်းများ၏ လေသံအသွားအလာမှာ ပြောင်းလဲမသွားပေ ။ သူ၏အယူအဆအရ စီးပွါးရေးကို ကိုင်တွယ်ထိန်းချုပ်ခြင်းသည် ငှက်မွေးရသည်နှင့်တူသည် ၊ ငှက်ကလေးကို တင်းကျပ်စွာကိုင်တွယ်၍ မဖြစ်နိုင်ပေ ဤသို.ကိုင်တွယ်ပါက ငှက်သည်အသက်ရှုကျပ်သွားမည်ဖြစ်သည် ထို.အတူပင် ငှက်ကိုလွှတ်ပေးရန်လည်း မဖြစ်နိုင်ပြန်ပေ အဘယ့်ကြောင့်ဆိုသော် သူတို.ကပျံသန်းသွားမည်ဖြစ်သောကြောင့်ဖြစ်သည် ထို.ကြောင့် ငှက်ကိုလှောင်အိမ်တွင်းထည့်၍ မွေးခြင်းသည် အကောင်းဆုံးပင်ဖြစ်သည် ။ ဤသည်မှာ သူ၏နာမည်ကျော် “ငှက်လှောင်အိမ် စီးပွါးရေးမော်ဒယ်”၏ နောက်ကွယ်ရှိ အခြေခံအယူအဆဖြစ်သည် ။

သူက တရုတ်ပြည်၏ ပထမ ငါးနှစ်စီမံကိန်းသည် အောင်မြင်ရုံမျှသာမက စီမံကိန်းစီးပွါးရေးစနစ်သည် ဆယ်စုနှစ်အနည်းငယ်အတွင်း ဆိုဗီယက်ပြည်ထောင်စုကို ဖွံ.ဖြိုးမှုနိမ့်ကျသည့် နိုင်ငံတစ်ခုအဖြစ်မှ အမေရိကန်ပြည်ထောင်စုပြီးလျှင် ဒုတိယအင်အားအကြီးဆုံး နိုင်ငံတစ်ခုအဖြစ်သို. ပြောင်းလဲပေးနိုင်ခဲ့သည်ဟု ၁၉၈၀ ခုနှစ်များ၏ နောက်ပိုင်းကာလများအထိ ယုံကြည်နေဆဲဖြစ်သည် ။ ဤအချက်သည် စီမံကိန်းစီးပွါးရေးစနစ် အောင်မြင်နိုင်ကြောင်း သက်သေတစ်ခုဖြစ်သည်ဟု သူကရှုမြင်သည် ။ တရုတ်ပြည်သည် စီမံကိန်းစီးပွါးရေးစနစ်အောက်တွင် ကောင်းစွာမအောင်မြင်ရခြင်းမှာ မော်၏မူဝါဒများနှင့် ယဉ်ကျေးမှုတော်လှန်ရေး၏ အဖျက်စွမ်းအားများကြောင့်ဖြစ်သည်ဟု သူကယူဆသည် ။ အကယ်၍ အခြေအနေအရပ်ရပ်သည် ပထမ ငါးနှစ်စီမံကိန်းအတိုင်း ဆက်လက်ဖြစ်ပေါ်ခဲ့ပါက ရလာဒ်များသည် အလွန်ကောင်းမွန်ဖွယ်ရာရှိနေလိမ့်မည်ဟု သူကယုံကြည်သည် ။

နိုင်ငံခြားရေးနှင့်ပက်သက်ပါက ချန်ယန်သည် ဆိုဗီယက်ပြည်ထောင်စုကို လှိုက်လှိုက်လှဲလှဲ သဘောကျပြီး အမေရိကန်ပြည်ထောင်စုကိုမူ ယုံကြည်မှုမရှိပေ ။ သူ၏ရှုမြင်ပုံမှာ တိန်.ရှောင်ပင်း၏ အမြင်များနှင့် အလွန်ပင် ကွဲပြားနေပြီး သူတို.နှစ်ဦးကြားတွင် သဘောထားကွဲလွဲမှုရှိနေသည် ။

၁၉၈၀ ခုနှစ်များအတွင်းက စီပွါးရေးအကြံပေး အိုင်ဗန်အာခီပေါ့ဗ် တရုတ်ပြည်သို. ရောက်လာခဲ့သည် ။ သူ.ကို ဆိုဗီယက်ပြည်ထောင်စုက စီးပွါးရေး စီမံကိန်းရေးဆွဲမှုများတွင် တရုတ်ပြည်ကို ကူညီရန်အတွက် စေလွှတ်ခဲ့ခြင်းဖြစ်ပြီး သူသည် ချန်ယန်းနှင့် ရင်းနှီးသည့် ဆက်ဆံရေးရှိသူဖြစ်သည် ။ တိန်.က ချန်ယန်းကို ဆွေးနွေးရာတွင် ပြောကြားရမည့် အချက်များကို ချပြပြီး ၎င်းတို.ကို လိုက်နာရန် အမိန်.ပေးခဲ့သည် ။ ရှောင်ပင်းသည် အာခီပေါ့ဗ်နှင့် တွေ.ဆုံရာတွင် ချန်ယန်းပြောကြားမည့် စကားများနှင့် ပက်သက်၍ စိုးရိမ်ပူပန်ပြီး ဆွေးနွေးပွဲကြောင့် ရှုပ်ထွေးမှုများ ပေါ်ပေါက်လာမည်ကို ပူပင်ကြောင့်ကျခဲ့သည် ။ ချန်ယန်းက အင်တင်တင်ဖြစ်နေသော်လည်း အမိန်.ကို လိုက်နာခဲ့သည် ။ ပြည်သူ.လွတ်မြောက်ရေးတပ်မတော် ဦးစီးချုပ် ဇူရှင်းကျန်သည်လည်း အလားတူအမြင်မျိုးရှိသူဖြစ်သည် ။ တကယ်တမ်း၌ ဆိုဗီယက်ပြည်ထောင်စုသည် ဆိုရှယ်လစ်နိုင်ငံဖြစ်ပြီး အမေရိကန်ပြည်ထောင်စုကမူ နယ်ချဲ.နိုင်ငံတစ်ခုသာဖြစ်သည်ဟု သူကယုံကြည်သည် ။

ကျွန်တော်တို.သည် ကျေးလက်ဒေသ မြေယာကန်ထရိုက်စနစ်ကို စတင်အကောင်အထည်ဖော်ဖို. ပြင်ဆင်နေချိန်ဖြစ်ရာ ချန်ယန်းက ၁၉၈၁ ခုနှစ် ဒီဇင်ဘာလတွင် ကျင်းပသည့် ကျေးလက်ဒေသ အလုပ်အဖွဲ. အစည်းအဝေး၌ မိန်.ခွန်းပြောကြားခဲ့သည် ။ ကျေးလက်စီးပွါးရေးသည်လည်း စီမံကိန်းစနစ်ဖြင့် အဓိက အကောင်အထည်ဖော်ရမည်ဖြစ်ပြီး ဈေးကွက်ထိန်းညှိမှုသည် အရံအစီအစဉ်မျှသာဖြစ်ကြောင်း သူကပြောကြားခဲ့သည် ။ ကောက်ပဲသီးနှံ ၊ ဝါဂွမ်း ၊ ဆေးရွက်ကြီးနှင့် အခြားသီးနှံတို.ကို စိုက်ပျိုးရန် မြေနေရာကို ခွဲတမ်းများဖြင့် ချမှတ်သင့်သည် ။ ဝက်မွေးမြူရေးကိုလည်း ဦးတည်ချက်ခွဲတမ်းများ ချမှတ်ထားဖို. လိုအပ်ကြောင်း သူကပြောခဲ့သည် ။

၁၉၈၁ ခုနှစ် ဇန်နဝါရီလ တရုတ်နှစ်သစ်ကူး အားလပ်ရက်အတွင်း၌ နိုင်ငံတော်စီမံကိန်းရေးဆွဲရေးကော်မှရှင်မှ ခေါင်းဆောင်များကို ချန်ယန်းက စုစည်းစေခဲ့ပြီး စီမံကိန်းစီးပွါးရေးစနစ်ကို အားပေးမြှုင့်တင်ဖို. ဆွေးနွေးခဲ့ပြီး ဤသတင်းကို သတင်းဋ္ဌာနများသို. ထုတ်ပြန်ခဲ့သည် ။ စီမံကိန်းစီးပွါးရေးသည် လူကြိုက်မများသောကြောင့် စီမံကိန်းရေးဆွဲရေးကော်မရှင်၏ အလုပ်တို.ကို အကောင်အထည်ဖော်ရန်ခက်ခဲနေကြောင်း သို.သော် စီမံကိန်းစီးပွါးရေးကို ကျောခိုင်းစွန်.ပစ်ဖို. မဖြစ်နိုင်ကြောင်း သူကပြောသည် ။

၁၉၈၄ ခုနှစ် အောက်တိုဘာလအတွင်း ကျင်းပခဲ့သည့် ၁၂ ကြိမ်မြောက်ဗဟိုကော်မတီ တတိယအကြိမ် စုံညီအစည်းအဝေးအတွက် သဘောထားထုတ်ပြန်တစ်စောင် ရေးသားတင်သွင်းခဲ့သည် ။ ကျွန်တော်တို.သည် ၁၉၅၀ ခုနှစ်များအတွင်းက စားသောက်ကုန်ထုတ်လုပ်ရေးမူဝါဒများ၌ ရောင်းလိုအားနှင့် ဝယ်လိုအားတို.၏ သဘောသဘာဝတို.ကို လျစ်လျူရှုခဲ့သည်မှာ မှန်ကန်သည်ဟု သူကဆိုနေဆဲဖြစ်သော်လည်း ကွန်ဂရက်သို.တင်သွင်းအဆိုပြုခဲ့သည့် စီးပွါးရေးပြုပြင်ပြောင်းလဲမှု ဆုံးဖြတ်ချက်မူကြမ်းကိုမူ သူကထောက်ခံခဲ့သည် ။

မူကြမ်းကို ပါတီကွန်ဂရက်သို.မတင်သွင်းမှီတွင် တည်ဆဲပေါ်လစ်ဗျူရိုကော်မတီသို. ကျွန်တော်က စီးပွါးရေးပြုပြင်ပြောင်းလဲမှုနှင့် ပက်သက်၍ စာတစ်စောင်ရေးသားခဲ့သည် ။ တိန်.ရှောင်ပင်း ၊ ချန်ယန်းနှင့် လီရှန်နင်းတို. အားလုံးက သူတို.၏ သဘောတူညီမှုကို ဖော်ပြခဲ့ကြသည် ။ သူ၏သဘောထားထုတ်ပြန်ချက်ထဲ၌ ကျွန်တော်တို.၏ စီးပွါးရေးပမာဏ တိုးတက်ချဲ.ထွင်လာသည်နှင့်အမျှ ၁၉၅၀ ခုနှစ်များအတွင်းက ကျင့်သုံးခဲ့သည့် မူဝါဒများမှာ လက်တွေ.အလုပ်မဖြစ်နိုင်တော့ဟုပင် ချန်ယန်းက ရေးသားခဲ့သည် ။ သူ၏ ထုတ်ပြန်ချက်မှာ ကောင်းမွန်သင့်တော်သည် ၊ သူသည် ပြုပြင်ပြောင်းလဲရေးကို ထောက်ခံသည်ဟု ကျွန်တော်ထင်သည် ။ သို.သော်လည်း ၁၉၈၅ ခုနှစ် စက်တင်ဘာလတွင် ကျင်းပခဲ့သည့် အမျိုးသားကွန်ဖရင့်တွင် “စီးပွါးရေးကို ‘စီမံကိန်းစီးပွါးရေးက ပထမဦးစားပေး ၊ ဈေးကွက်လိုအပ်ချက်အတိုင်း ထိန်းညှိရေးက အရန်အစီအစဉ်’ဆိုတဲ့ မူအပေါ်မှာ အခြေတည်ရမယ် ၊ ဒီစကားစုဟာ ခုချိန်ထိ ခေတ်မတိမ်သေးတဲ့ စကားတွေဖြစ်တယ်”ဟု သူက ထပ်မံ၍ ပြောလာခဲ့ပြန်သည် ။

ဤထုတ်ပြန်ချက်သည် ပြဿနာတက်နိုင်သည်။ ဤစကားလုံးတို.ကို ၁၂ ကြိ်မ်မြောက် ဗဟိုကော်မတီ တတိယအကြိမ် စုံညီအစည်းအဝေးမတိုင်မှီ နှစ်ကာလများအတွင်းက သုံးနှုန်းခဲ့ဖူးသည် ။ သို.သော် ပြုပြင်ပြောင်းလဲရေး ဖော်ဆောင်မည်ဟု ဆုံးဖြတ်ခဲ့ပြီးချိန်မှစ၍ ဆိုရှယ်လစ်စီးပွါးရေးစနစ်သည် လူသုံးကုန်ပစ္စည်း စီးပွါးရေးစနစ်ဖြစ်ပြီး ဈေးကွက်၏ အလားအလာကို အပြည့်အဝ ဖော်ဆောင်သွားရမည်ဟု သဘောတူခဲ့ကြသည် ။ ကျွန်တော်တို.သည် မော်လက်ခံကျင့်သုံးခဲ့သည့် “စီမံကိန်းက အရင်လာ ၊ ဈေးနှုန်းကို နောက်မှညှိ” ဟူသည့် အယူအဆကိုလည်း စွန်.လွှတ်ခဲ့ကြသည် ။ ထို.ကြောင့် “စီမံကိန်းစီးပွါးရေးက ပထမ ၊ ဈေးကွက်လိုအပ်ချက်အတိုင်း ထိန်းညှိရေးက ဒုတိယ”ဟု မည်ကဲ့သို.ပြောနေနိုင်ပါဦးမည်နည်း ။ ဤထုတ်ပြန်ချက်ကို ဖြန်.ဝေပါက ၁၂ ကြိမ်မြောက် ဗဟိုကော်မတီ တတိယအကြိမ် စုံညီအစည်းအဝေးမှ ဆုံးဖြတ်ချက်နှင့် ဆန်.ကျင်ကွဲလွဲနေမည်မှာ ထင်ရှားနေပေသည် ။

ချန်ယန်းက သူ၏မိန်.ခွန်းကို ဝေဖန်သုံးသပ်ရန် ကျွန်တော့်ထံသို. ပေးပို.ခဲ့ရာ ကျွန်တော့်မှာ ၎င်းကိုဖတ်ပြီး စိတ်မသက်မသာဖြစ်ရသည် ။ သူ၏မိန်.ခွန်းမှာ လွန်ခဲ့သည့် ၁ နှစ်အကြာက ကျင်းပခဲ့သည့် ပါတီကွန်ဂရက်တွင် ထုတ်ပြန်ခဲ့သည့် သဘောထားကြေညာချက်မှ သိသိသာသာ နောက်ပြန်ဆုတ်နေပေသည် ။ အကယ်၍​ သူသည် ဤမိန်.ခွန်းအတိုင်း ရှေ.ဆက်နေပါက ကွန်ဖရင့်တွင် သဘောထားရှုပ်ထွေးမှုများ ဖြစ်ပေါ်တော့မည်မှာ သေချာနေပေသည်။ သို.သော် သူသည်၎င်းကို ရေးသားပြီးဖြစ်သောကြောင့် ၎င်းကို ဖြန်.ဝေခြင်းမပြုသည့်တိုင်အောင် သူ၏အယူအဆကို ပြောင်းလဲအောင် သိမ်းသွင်းဖြောင့်ဖျဖို. မဖြစ်နိုင်သည်မှာလည်း သေချာနေသည်ကို ကျွန်တော်သိနေသည် ။

သူ.အိမ်သို. ကျွန်တော်သွားရောက်ခဲ့ပြီး “ (ဈေးကွက်လိုအပ်ချက်အတိုင်း ထိန်းညှိရေးက ဒုတိယ)ဟူသည့် စကားစုသည် စီမံကိန်းရေးဆွဲရေးနှင့် မသက်ဆိုင်ပဲ ဈေးကွက်တောင်းဆိုမှုအတိုင်း လိုအပ်သည့်ပမာဏကို ထုတ်လုပ်နေသည့် ကုန်စည်တို.ကို ဆိုလိုသည် ။ ဤသည်မှာ စီမံကိန်းရေးဆွဲရေးမှ ကင်းလွတ်သည့် ထိန်းညှိမှုပင်ဖြစ်သည်”ဆိုသည့် စာပိုဒ်ကို ဖြည့်စွက်ဖို. ကျွန်တော်က အကြံပြုခဲ့သည် ။ အလားတူဖော်ပြချက်မျိုးကို ၁၉၅၀ ခုနှစ်များအတွင်းက သူကိုယ်တိုင် အသုံးပြုခဲ့ဖူးသည် ။ ထို.ကြောင့် သူက ကျွန်တော်၏ အကြံပြုချက်ကို လှိုက်လှိုက်လှဲလှဲပင် လက်ခံခဲ့ပြီး သူ၏အတွင်းရေးမှုးအား ဤစာပိုဒ်ကို သူ၏မိန်.ခွန်းတွင် ထည့်သွင်းဖို. ချက်ချင်းပင် စေခိုင်းခဲ့သည် ။

ဤကဲ့သို.သော အကြံပြုချက်မျိုးကို မည်သည့်အတွက်ကြောင့် ကျွန်တော်ပြုလုပ်ခဲ့ပါသနည်း ။ အဘယ်ကြောင့်ဆိုသော် ဤစာစုကို ဖြည့်စွက်ထည့်သွင်းလိုက်ခြင်းအားဖြင့် “ဈေးကွက်လိုအပ်ချက်အတိုင်း ထိန်းညှိရေးက ဒုတိယ”ဟူသည့် စကားစု၏အတိုင်းအတာကို နိုင်ငံတော်စီမံကိန်းမှ ကင်းလွတ်သည့် လူသုံးကုန်စည် တချို.အပေါ်တွင်သာ သက်ရောက်စေရန် ကန်.သတ်နိုင်သည် ။ ၁၂ ကြိမ်မြောက် ပါတီကွန်ဂရက် တတိယအကြိမ် စုံညီအစည်းအဝေးမှ သတ်မှတ်ခဲ့သည့် “တစ်ဆင့်ခံ စီမံချက်”ဟု ခေါ်ဆိုသည့် ကုန်စည်အများစုကို ဤစကားစုတွင် ကျွန်တော်တို. မထည့်သွင်းပေ ။ ၎င်းတို.သည် ဈေးကွက်လိုအပ်ချက်အတိုင်း ထုတ်လုပ်နေခြင်းဖြစ်သည် ။

ဤစကားစုကို ဖြည့်စွက်လိုက်ခြင်းဖြင့် ကုန်ပစ္စည်းတို.ကို အမျိုးအစား သုံးခု ခွဲခြားလိုက်နိုင်သည် ။ ပထမ အမျိုးအစားမှာ “စီမံကိန်း ကုန်စည်များ” ၊ ဒုတိယမှာ လူသုံးကုန်ပစ္စည်းအများစု ပါဝင်သည့် “တစ်ဆင့်ခံစီမံကိန်း ကုန်စည်များ” ဖြစ်ပြီး တတိယမှာ သာမန် ဈေးကွက်လိုအပ်ချက်အတိုင်း ထုတ်လုပ်နေသည့် “ဆင့်ပွါး ဈေးကွက်ထိန်းညှိခံ ထုတ်ကုန်များ”ဟု ခေါ်ဆိုသည့် လူသုံးကုန်စည် အနည်းငယ်တို.ဖြစ်သည် ။ နောက်ဆုံးအုပ်စု ၂ မျိုး(ဤ ၂ မျိုးလုံးပေါင်းလိုက်ပါက စုစုပေါင်း ထုတ်ကုန်အားလုံး၏ တစ်ဝက်ခန်.မျှရှိသည်)မှာ ဈေးကွက်လိုအပ်ချက်အတိုင်း ထုတ်လုပ်နေခြင်းဖြစ်သည် ။ ဤစကားစုကို ထည့်သွင်းလိုက်ခြင်းဖြင့် ဤအချက်အားလုံးကို ရှင်းလင်းပြနိုင်ပြီး စီးပွါးရေး ပြုပြင်ပြောင်းလဲရေး ဆုံးဖြတ်ချက်နှင့်လည်း သိသိသာသာ ကွဲလွဲမှုမရှိတော့ပေ ။

ရဲဘော်ချန်ယန်းကမူ ဤအတိုင်း ဆိုလိုခြင်းမဟုတ်သည်မှာ ထင်ရှားပေသည် ။ သူက အားလုံးကို ဖြောင့်ဖြောင့်ကြီး ဆန်.ကျင်စွာ ဆိုလိုခြင်းဖြစ်သည် ။ သို.သော် ကျွန်တော်တို.အနေဖြင့် ၎င်းတို.အားလုံးကို ဤသို.ဖွင့်ဆိုပြနိုင်ပေသည် ။ ထိုစကားစုသာ မပါဝင်ပါက ကျွန်တော်တို.အနေဖြင့် “စီမံကိန်းစီးပွါးရေးက ပထမ ၊ ဈေးကွက်လိုအပ်ချက်အတိုင်း ထိန်းညှိရေးက ဒုတိယ”ဟု အော်နေရုံမျှသာရှိပြီး ထိန်းညှိရေး၏ အတိုင်းအတာကို ဈေးကွက်လိုအပ်ချက်အတိုင်း ထုတ်လုပ်ရေးဟု ကန်.သတ်ရုံမျှသာရှိပေလိမ့်မည် ။

အားလုံးမှာ စကားလုံးများနှင့် ကစားနေသည့်အလားဖြစ်သည် သို.သော် ဤနည်းမှလွဲ၍ တခြားလုပ်နိုင်သည့်အရာ မရှိခဲ့ပေ ။ ချန်ယန်းသည် ကွန်မြူနစ်ပါတီအတွင်းနှင့် စီးပွါးရေးမူဝါဒများ အပေါ်တွင် လွန်စွာဩဇာသက်ရောက်ပေသည် ။ အကယ်၍ သူ၏ထုတ်ပြန်ချက်ကို မွမ်းမံပြုပြင်မှုမပြုပဲ ဖြန်.ဝေပါက ပါတီအတွင်း၌ အကြီးအကျယ် ရှုပ်ထွေးမှုများ ဖြစ်ပေါ်လာနိုင်ပေသည် ။

၁၉၈၇ ခုနှစ်အတွင်း ၁၃ ကြိမ်မြောက် ပါတီကွန်ဂရက်၌ နိုင်ငံရေးအစီရင်ခံစာတွင် ကျွန်တော်က စီးပွါးရေး ယန္တရားသည် “နိုင်ငံတော်က ဈေးကွက်ကို ချုပ်ကိုင်၍ ၊ ဈေးကွက်က စီးပွါးရေးလုပ်ငန်းများကို လည်ပတ်မောင်းနှင်” သင့်သည်ဟု ပြောခဲ့သည် ။ အထွေထွေ နိုင်ငံရေးအခြေအနေအားလုံးမှာ ပြုပြင်ပြောင်းလဲရေးအတွက် အလွန်ကောင်းမွန်နေသည့်အတွက် ကျွန်တော်၏ အစီရင်ခံစာမူကြမ်းတို.ကို ချန်ယန်းထံသို. ပေးပို.၍ သူ၏အယူအဆကို တောင်းခံခဲ့သည် ။ သူသည် သဘောမတူမှုကို ထင်ထင်ရှားရှား မပြသလို အတည်ပြုခြင်းမျိုးလည်း မရှိခဲ့ပေ ။

သူသည် ၁၂ ကြိမ်မြောက်ဗဟိုကော်မတီ တတိယအကြိမ် စုံညီအစည်းအဝေးတုန်းက ဖော်ပြခဲ့သည့် ပုံမှန်ထောက်ခံမှုမျိုးကို ဘယ်တော့မှ ပြန်လည်မပြသခဲ့ပေ ။ ၁၃ကြိမ်မြောက်ပါတီကွန်ဂရက် ဖွင့်ပွဲအခမ်းအနား၌ နိုင်ငံရေးအစီရင်ခံစာဖတ်ကြားဖို. ကျွန်တော်စတင်ပြင်ဆင်နေချိန်တွင် သူသည် အစည်းအဝေးပွဲ အခန်းအပြင်သို. ထွက်သွားခဲ့သည် ။ ဤသည်မှာ ကျွန်တော်၏ အစီရင်ခံစာကို ကန်.ကွက်ကြောင်းပြသသည့် သူ၏နည်းလမ်းဖြစ်သည် ။ ဤကဲ့သို. ကျွန်တော် မည်သို.ထင်မြင်မိပါသနည်း ။ ထိုစဉ်က သူသည် မကျန်းမမာဖြစ်မနေပါ ၊ ထို.ကြောင့် ထိုင်၍နားထောင်နေဖို. သူ.အနေဖြင့် ပြဿနာမရှိနိုင်ပါ ။ ဤသည်နှင့်ဆန်.ကျင်စွာပင် ၁၉၈၁ ခုနှစ် ကျွန်တော် ဝန်ကြီးချုပ်ဖြစ်ပြီးချိန်က တင်သွင်းခဲ့သည့် စီးပွါးရေး ဖွံ.ဖြိုးရေး မဟာဗျူဟာ အချက် ၁၀ ချက်ကို ဖတ်ကြားခဲ့စဉ်က ကျန်းမာရေးမကောင်းဖြစ်နေသည့် သူ.ကို လူအများက အစည်းအဝေးခန်းအပြင်ထွက်၍ အနားယူဖို. လူအများက ဖြောင့်ဖျတိုက်တွန်းချိန်၌ သူကအပြင်ထွက်ဖို. ငြင်းဆန်ခဲ့ပြီး “ကျိယန်ရဲ. အစီရင်ခံစာအပြီးထိ ငါနားထောင်ဖို. လိုအပ်တယ်”ဟု သူကပြောကြားခဲ့သည် ။ သူ၏ ထိုစဉ်က လုပ်ရပ်မှာ ထောက်ခံမှုကို ပြသသည့်သဘောဖြစ်သည် ။ ယေဘုယျအားဖြင့် ပါတီဝါရင့်များသည် အစည်းအဝေးကျင်းပနေစဉ်၌ အခန်းအပြင်သို. မကြာခဏဆိုသလို ထွက်ခွါလေ့ရှိကြသည် ၊ သို.သော် ဤလုပ်ရပ်နှစ်ခုကို ချိန်ထိုးယှဉ်ကြည့်ခြင်းဖြင့် သူ၏သဘောထားမှာ ထင်ရှားလှပေသည်။

(စကားချပ် ။ ။ ၁၉၈၉ ခုနှစ် ဇွန်လ ၄ ရက် ဖြစ်ရပ်အပြီး၌ ချန်ယန်းကို စီးပွါးရေးနှင့်ပက်သက်၍ သူ၏ဆရာဟု ယူဆသူ ယော်ယိလင်က “နိုင်ငံတော်က ဈေးကွက်ကို ချုပ်ကိုင်၍ ၊ ဈေးကွက်က စီးပွါးရေးလုပ်ငန်းများကို လည်ပတ်မောင်းနှင်”ဟူသည့် ဖော်ပြချက်ကို လူသိထင်ရှား ရှုတ်ချခြင်းဖြင့် “ကျောက်ကျိယန်၏ မူဝါဒဆိုင်ရာ လွှမ်းမိုးမှုကို ချိုးဖျက်ခြင်း”ဟူ၍ အဆိုပြုတင်ပြခဲ့သေးသည် ။)

စီမံကိန်းစီးပွါးရေးနှင့်ပက်သက်သည့် ကျွန်တော်၏ နားလည်မှုများသည်လည်း အဆင့်များစွာကို ဖြတ်သန်းပြီးမှ နားလည်လာခဲ့ခြင်းဖြစ်သည် ။ အစပိုင်း၌ တရုတ်ပြည်ကဲ့သို. မတူကွဲပြားသည့် အခြေအနေများရှိနေပြီး ဆက်သွယ်ရေးနှင့် သယ်ယူပို.ဆောင်ရေး ကွန်ယက်တို.သည်လည်း အဆင့်နိမ့်ကျလွန်းလှပြီး ကြီးမားလွန်းလှသည့် တိုင်းပြည်တစ်ခုအနေဖြင့် ကုန်စည်အားလုံးကို ထုတ်လုပ်ရေးမှ ဖြန်.ဖြူးရေးထိတိုင်အောင် အစစအရာရာ ဗဟိုမှ ချုပ်ကိုင်ညွှန်ကြား၍ စီမံချက်ချ လုပ်ဆောင်ပါက ဗျူရိုကရေစီ ကြိုးနီစနစ် ၊ ချို.ယွင်းမှုများနှင့် အမှားအယွင်းများကို ရှောင်လွှဲ၍ ရနိုင်ဖွယ်ရာမရှိဟု ကျွန်တော်စိတ်ပူပန်ခဲ့သည် ။

နောက်ပိုင်း ဗဟိုကော်မတီတွင် ကျွန်တော်ပါဝင်လုပ်ဆောင်လာခဲ့ပြီးချိန်၌ စီးပွါးရေး စွမ်းဆောင်ရည် ညံ့ဖျင်းမှုနှင့် ကုန်စည်ထုတ်လုပ်မှုနှင့်စားသုံးမှုကြား ချို.ယွင်းပျက်တောက်နေမှုများတွင် မွေးရာပါအကြောင်းရင်းတစ်ခုရှိနေကြောင်း ၎င်းမှာ စီမံကိန်းစီးပွါးရေးစနစ်ကိုယ်တိုင်ပင်ဖြစ်ကြောင်း သိနားလည်လာခဲ့သည် ။ တစ်ခုတည်းသော ထွက်ပေါက်မှာ ရောင်းလိုအားနှင့် ဝယ်လိုအားတို.၏ သဘောသဘာဝအတိုင်းသာလျှင် ဈေးကွက်၏အလားအလာကို အကောင်အထည်ဖော်ပေးရန်သာဖြစ်သည် ။ သို.သော်လည်း ကျွန်တော်တို.ကဲ့သို. ဆိုရှယ်လစ်နိုင်ငံတစ်ခုတွင် အနောက်တိုင်းနိုင်ငံများ၏ လွတ်လပ်သည့် ဈေးကွက်စီးပွါးရေးစနစ်၏ အခြေခံများကို လက်ခံကျင့်သုံးဖို. ဖြစ်နိုင်မဖြစ်နိုင်ဆိုသည်ကို ကျွန်တော်မသိပါ။

ကျွန်တော်၏ သေသေချာချာ မသိနားမလည်သေးမှုကြောင့် ၁၉၈၁ ခုနှစ်က တင်ပြခဲ့သည့် “စီးပွါးရေး ဖွံ.ဖြိုးရေး မဟာဗျူဟာ အချက် ၁၀ ချက်” ဟူသည့် အစိုးရအဖွဲ. အလုပ်အစီရင်ခံစာတွင် စီးပွါးရေးလုပ်ငန်းနှင့် လူသုံးကုန်စည်တို.၏ အမျိုးအစားအပေါ်လိုက်၍ ကျွန်တော်က စီမံကိန်းစီးပွါးရေးစနစ်ကို ကဏ္ဍ ၄ ရပ်ခွဲခြား၍ တင်ပြခဲ့သည် ။ ပထမကဏ္ဍမှာ စီးပွါးရေး၏ အဓိကကျောရိုးဖြစ်သည့် လုပ်ငန်းများနှင့် ပြည်သူလူထု၏ အသက်မွေးမှုအတွက် လိုအပ်သည့် အဓိက မရှိမဖြစ် လူသုံးကုန်ပစ္စည်းများ ထုတ်လုပ်သည့် နိုင်ငံတော်မှ လုံးဝထိန်းချုပ်ထားသည့် ကုန်ထုတ်လုပ်ရေး လုပ်ငန်းများဖြစ်သည် ။ ဒုတိယကဏ္ဍမှာ ဈေးကွက်အင်အားစုများ၏ လိုအပ်ချက်အတိုင်း တုံ.ပြန်နေသည့် ထုတ်လုပ်သူများနှင့် ကုန်စည်ဖြန်.ဖြူးသူများကိုယ်တိုင် သူတို.၏ကိုယ်ပိုင်အစီအစဉ်များဖြင့် ထုတ်လုပ်နေသော အသေးစားလူသုံးကုန်စည် ထုတ်လုပ်သည့်လုပ်ငန်းများဖြစ်သည် ။ တခြားကဏ္ဍနှစ်ခုကိုလည်း ကျွန်တော်က ပိုင်းခြားသတ်မှတ်ခဲ့သေးသည် ။ တစ်ခုမှာ စီမံကိန်းရေးဆွဲရေးက အဓိကလွှမ်းမိုးပြီး ဈေးကွက်တောင်းဆိုမှုက ထိန်းညှိရေး အခန်းကဏ္ဍအနေဖြင့်ရှိနေသော ကဏ္ဍဖြစ်သည် ။ နောက်တစ်ခုမှာ ဈေးကွက်အင်အားစုများက အဓိကအခန်းကဏ္ဍအနေဖြင့် ရှိနေပြီး နိုင်ငံတော်၏ စီမံချက်က သာမညအခန်းကဏ္ဍအနေဖြင့် ရှိနေသော ကဏ္ဍဖြစ်သည်။ ဤအမျိုးအစား ခွဲခြားမှုကို ထိုစဉ်က ချန်ယန်းကိုယ်တိုင်ကလည်း ထောက်ခံခဲ့သည် ။

၁၂ ကြိမ်မြာက် ဗဟိုကော်မတီ တတိယအကြိမ် စုံညီအစည်းအဝေးအတွက် စာတမ်းမူကြမ်းများ ပြင်ဆင်ရေးဆွဲနေစဉ်က မူကြမ်းရေးဆွဲသည့်အဖွဲ.သို. သဘောထားအယူအဆများစွာကို ကျွန်တော်ချပြခဲ့ပြီး နောက်ပိုင်း၌ တည်ဆဲပေါ်လစ်ဗျူရိုကော်မတီသို. ပေးပို.ခဲ့သည့်စာတွင်လည်း ဖော်ပြခဲ့သည် ။ ဤအယူအဆများမှာ အောက်ပါအတိုင်းဖြစ်သည် ။

၁။တရုတ်ပြည်၏ စီးပွါးရေးစနစ်သည် စီမံကိန်းစီးပွါးရေးစနစ်ဖြစ်ပြီး အနောက်တိုင်း၏ လွတ်လပ်သည့် ဈေးကွက်စီးပွါးရေးစနစ်မဟုတ်ပါ ။
၂ ။တရုတ်ပြည်စီးပွါးရေး၏ သဘောလက္ခဏာမှာ “လူသုံးကုန်ပစ္စည်း စီးပွါးရေး”ဖြစ်သည် ။ “ကုန်ပစ္စည်းထုတ်လုပ်ရေး စီးပွါးရေးမဟုတ်၂”။
၃။စီမံကိန်းရေးဆွဲရေး၌ တိုက်ရိုက်စီမံချက်နှင့် တစ်ဆင့်ခံသွယ်ဝိုက်စီမံချက်တို. ပါရှိသည် ။ တစ်ဆင့်ခံသွယ်ဝိုက် စီမံချက်ကို ချဲ.ထွင်လာသည်နှင့်အမျှ တိုက်ရိုက်စီမံချက်ကို လျှော့ချရမည် ။
၎။တစ်ဆင့်ခံသွယ်ဝိုက် စီမံချက်သည် ဈေးကွက်လိုအပ်ချက်ကို စီးပွါးရေးနည်းနာများနှင့်အညီ ဝင်ရောက်တုံ.ပြန်ခြင်းဖြစ်ပြီး ၊ တိုက်ရိုက်စီမံချက်သည်လည်း ရောင်းလိုအားနှင့် ဝယ်လိုအားတို.၏ ဥပဒေသတို.ကို လေးစားလိုက်နာရမည် ။

ဤအယူအဆများကို ၁၂ ကြိမ်မြောက် ဗဟိုကော်မတီ တတိယအကြိမ် စုံညီအစည်းအဝေးတွင် ချမှတ်ခဲ့သည့် စီးပွါးရေးပြုပြင်ပြောင်းလဲရေး ဆုံးဖြတ်ချက်တွင် အတည်ပြုခဲ့သည် ။ ထို.နောက်ပိုင်း၌ “လူသုံးကုန်ပစ္စည်း စီးပွါးရေး”ကို ရှင်းလင်းစွာ အဓိပ္ပါယ်ဖွင့်ဆိုသတ်မှတ်ခဲ့သည် ။ စီမံချက်ချမှတ်ခြင်းနှင့် မသက်ဆိုင်သည့် အသေးစား လူသုံးကုန်စည် ထုတ်လုပ်ရေးလုပ်ငန်းများပြီးလျှင် ဈေးကွက်အလိုအတိုင်း ထိန်းညှိတုံ.ပြန်နေသည့် “တစ်ဆင့်ခံသွယ်ဝိုက် စီမံချက်”ကဏ္ဍကို ဆက်လက်၍ ချဲ.ထွင်ရမည် ။ ဤနည်းအားဖြင့် တရုတ်ပြည်စီးပွါးရေး၏ ဈေးကွက်လိုအပ်ချက်အတိုင်း လိုက်နာတုံ.ပြန်သည့် အစိတ်အပိုင်းတို.၏ အချိုးအစားသည် ကျယ်ပြန်.တိုးချဲ.လာပေမည် ။

၁၃ ကြိမ်မြောက် ပါတီကွန်ဂရက်သို. ကျွန်တော်အစီရင်ခံတင်ပြသည့် အချိန်ကာလတွင် တရုတ်ပြည်၏ စီးပွါးရေးသည် “နိုင်ငံတော်က ဈေးကွက်ကို ချုပ်ကိုင်၍ ၊ ဈေးကွက်က စီးပွါးရေးလုပ်ငန်းများကို လည်ပတ်မောင်းနှင်”ဟူသည့် ယန္တရားအတိုင်း လည်ပတ်နေသည်မှာ ထင်ရှာနေပေပြီ ။ တစ်နည်းအားဖြင့်ဆိုရပါက ကျွန်တော်တို.သည် လွတ်လပ်သည့် ဈေးကွက်စီးပွါးရေး၏ စည်းမျဉ်များနှင့်အညီ လည်ပတ်နေသည့် စီးပွါးရေးစနစ်တစ်ခုကို တည်ထောင်ခဲ့ပြီးဖြစ်သည် ။ အယူအဆ မူဝါဒရေးရာ အခုအခံသဘောများအရ “လွတ်လပ်သည့် ဈေးကွက်”ဆိုသည့် အသုံးအနှုန်းကို တရားဝင်မသုံးစွဲခြင်းသာဖြစ်သည် ။

-----------------------------------------------------------------------------------------------------------------
၁ ။ ။ “လူသုံးကုန်ပစ္စည်း စီးပွါးရေးစနစ်” ဆိုသည့်စကားလုံးမှာ “ဈေးကွက်စီးပွါးရေးစနစ်”ကို စကားလုံးလှလှ သုံးထားခြင်းဖြစ်သည် ။ တရုတ်ပြည် စီးပွါးရေးပြုပြင်ပြောင်းလဲမှု၏ အစောပိုင်းကာလများအတွင်းက အယူအဆရေးရာ ရှုပ်ထွေးမှုများကို ရှောင်ရှားနိုင်ရန်ရည်ရွယ်၍ ဤသို.သုံးနှုန်းခဲ့ခြင်းဖြစ်သည် ။

၂ ။ ။ ဤအချက်သည် “၁၂ ကြိမ်မြောက် ပါတီကွန်ဂရက်မှ လက်ရွေးစင် အရေးကြီးစာရွက်စာတမ်းများ” (ရန်မင်ချူဘန်းရှီ) ၁၉၈၆ ၊ အတွဲ ၂ ၊ စာမျက်နှာ ၅၃၅ တွင်ဖော်ပြထားသည့်အချက်များနှင့် မကိုက်ညီပေ ။ “လွတ်လပ်သည့် ဈေးကွက်အလိုအတိုင်း ကိုယ်တိုင်ကမကထပြု စီမံကွပ်ကဲထိန်းညှိသည့် ကုန်ထုတ်လုပ်ရေးနှင့် ကူးသန်းရောင်းဝယ်ရေးလုပ်ငန်းတို.ကို သတ်မှတ်ပြဋ္ဌာန်းထားသည့် စိုက်ပျိုးရေး ၊ ထုတ်လုပ်ရေးနှင့် ဝန်ဆောင်မှုစသည့် အသေးစား လုပ်ငန်းနယ်ပယ် သုံးရပ်တွင်သာ လုပ်ကိုင်ဆောင်ရွက်ရန် ကန်.သတ်ထားသည်။ ၎င်းတို.အားလုံးမှာ စီးပွါးရေး၏ အရံအစိတ်အပိုင်းများဖြစ်သည်။”ဟု ၎င်းတွင် ဖော်ပြထားသည် ။

(ကျောက်ကျိယန်၏ Prisoner of the State စာအုပ်မှ Part 3, Chapter 6 Playing a Trick on a Rival ကို ဘာသာပြန်ဆိုထားခြင်းဖြစ်ပါသည် ။)