တရုတ်ပြည် စီးပွါးရေး ဖွံ.ဖြိုးတိုးတက်ခြင်း၏ အကြောင်းရင်းများ ၊ အခန်း ၇ (နိုင်ငံတော် အကျဉ်းသား)

အပိုင်း ၃

တရုတ်ပြည် စီးပွါးရေး ဖွဲ.ဖြိုးတိုးတက်ခြင်း၏ အကြောင်းရင်းများ

အခန်း ၇

တစ်ကြိမ်တွင် ခြေတစ်လှမ်း

ဆိုရှယ်လစ်တိုင်းပြည်များ၏ စီးပွါးရေးကို ပြုပြင်ပြောင်းလဲရေးလုပ်ကြရာတွင် ချဉ်းကပ်နည်း ၂

မျိုးရှိသည် ။ တစ်နည်းမှာ “ရှော.ရိုက်ကုထုံး”နည်းဖြစ်ပြီး တစ်ပြိုင်တည်း တစ်ချိန်တည်းဖြင့်

စည်းမျဉ်းစည်းကမ်းအားလုံးကို ပြောင်းလဲသည့်နည်းဖြစ်သည် ။ နောက်တစ်နည်းမှာ

တစ်ဖြည်းဖြည်းချင်း အချိန်ယူ ပြောင်းလဲသည့်နည်းဖြစ်သည် ။ တစ်ဆင့်ပြီးမှတစ်ဆင့်လှမ်းသည့်

ချဉ်းကပ်နည်းကို ကျင့်သုံးခြင်းဖြင့် တရုတ်ပြည်သည် ယခင် ဆိုဗီယက်ပြည်ထောင်စုနှင့် အရှေ.ဥရောပ

နိုင်ငံများတွင် ကြုံတွေ.ခဲ့ရသည့် စီးပွါးရေး ကမောက်ကမဖြစ်မှုများကို ရှောင်လွှဲနိုင်ခဲ့သည် ။

တရုတ်ပြည်သည် ဤချဉ်းကပ်နည်းကို မည်သို.ရွေးချယ်ခဲ့ကြောင်း ကျောက်က ဖော်ပြထားသည် ။

တရုတ်ပြည်သည် တစ်ဖြည်းဖြည်းချင်း ပြုပြင်ပြောင်းလဲယူသည့်နည်းကို မည်ကဲ့သို. လက်ခံကျင့်သုံးခဲ့ပါသနည်း။

ဗဟိုကော်မတီတွင် ၁၀နှစ်ခန်.မျှ ကျွန်တော် (ကျွန်တော် ရာထူးမှ ဆင်းသည့်အချိန်အထိ) စီးပွါးရေးကို စီမံခန်.ခွဲခဲ့သည့် ကာလအတွင်း၌ ဖြည်းဖြည်းချင်း ပြောင်းလဲသည့်နည်းကို ကျွန်တော်တို. ကျင့်သုံးခဲ့သည် ။ ဤနေရာတွင် သဘောသဘာဝ သွင်ပြင်လက္ခဏာ ကဏ္ဍ ၂ မျိုးရှိသည် ။ ပထမတစ်ချက်မှာ စီမံကိန်းစနစ်၏ဘောင်ကို ကျော်လွန်၍ ဖြည်းဖြည်းချင်း ရင့်ကျက်ဖွံ.ဖြိုးလာသည့် ဈေးကွက်စီးပွါးရေး ပုံစံသစ်တစ်ရပ် ပေါ်ထွန်းလာခြင်းဖြစ်သည် ။ ဥပမာအားဖြင့် ကျေးလက်ဒေသ ပြုပြင်ပြောင်းလဲရေး အရှိန်ရလာသည်နှင့်အမျှ နိုင်ငံတော်သို. မဖြစ်မနေ ရောင်းချရမည့်ခွဲတမ်းတို. လျော့ကျလာသည် ။ မဖြစ်မနေရောင်းချရမည့်ခွဲတမ်းတို. လျော့ကျလာသည်နှင့်အမျှ စိုက်ပျိုးရေးထွက်ကုန်များ တိုးတက်ထုတ်လုပ်လာနိုင်သည်၊ ထို.ကြောင့် နိုင်ငံတော်သို. ရောင်းချရမည့် ခွဲတမ်းများ ၁နှစ်ပြီး၁နှစ် လျော့ကျသွားသည် ။ ဈေးကွက်တွင်းသို. ရောင်းချသည့် ထွက်ကုန်များ ပို၍ပို၍ တိုးလာခဲ့သည် ။

၁၉၈၅ ခုနှစ်တွင် တစ်ဆင့်ထပ်တက်ခဲ့သည် ။ စိုက်ပျိုးရေးကဏ္ဍတွင် ဝါဂွမ်းမှလွဲ၍ အခြားထွက်ကုန်တို.အား မရောင်းမနေရ စနစ်ကို ကျွန်တော်တို. ပယ်ဖျက်ခဲ့ပြီး စီမံကိန်းစနစ်မှ လွတ်ကင်းသော ဈေးကွက်စနစ်သို. အခြေခံအားဖြင့် ပြောင်းလဲခဲ့သည် ။

ကျေးရွာနှင့်မြို.နယ် လုပ်ငန်းစုများ ပေါ်ထွက်လာခြင်း ၊ ပုဂ္ဂလိက ကုန်ထုတ်လုပ်ငန်းများနှင့် စီးပွါးရေးလုပ်ငန်းများ ၊ ဖက်စပ်လုပ်ငန်းများနှင့် နိုင်ငံခြားသားပိုင် စီးပွါးရေးလုပ်ငန်းများ အားလုံးသည် စီမံကိန်းစီးပွါးရေးစနစ်၏ အပြင်ဖက်တွင် သီးခြားရပ်တည်နေကြသည် ။ ၎င်းတို.အားလုံးပေါင်းစည်း၍ စီးပွါးရေး ကဏ္ဍသစ်တစ်ရပ် ဖြစ်ပေါ်လာပြီး ဈေးကွက်အင်အားစုများ၏ တောင်းဆိုမှုအတိုင်း တုံ.ပြန်ကြသည် ။ ဤကဏ္ဍသည် သုညမှစတင်ခဲ့ခြင်းဖြစ်ပြီး မကြာသေးမှီ နှစ်များအတွင်း၌ အကြီးအကျယ် ဖွံ.ဖြိုးလာခဲ့ပြီးလျှင် နိုင်ငံတော်ပိုင် သို.မဟုတ် စုပေါင်းဘုံပိုင် စီးပွါးရေး ကဏ္ဍကို ကျော်လွန်သွားခဲ့သည် ။ ၎င်းသည် တရုတ်စီးပွါးရေးကို ကြွယ်ဝချမ်းသာမှုများ ဆောင်ကြဉ်းပေးခဲ့ပြီး ဈေးကွက်စီးပွါးရေး စီးပွါးရေး ကဏ္ဍသစ်တစ်ရပ်ကိုလည်း သယ်ဆောင်လာခဲ့သည် ။

ဈေးကွက်စီးပွါးရေးကဏ္ဍ တစ်နေ.ထက်တစ်နေ. ပို၍ကြီးထွားလာသည်နှင့်အမျှ မူလရှိရင်းစွဲ နိုင်ငံတော် စီမံကိန်းစီးပွါးရေးစနစ်ကို အခြေခံကျကျ ပြုပြင်ပြောင်းလဲမှု မပြုလုပ်ပါပဲနှင့်ပင် တရုတ်ပြည်၏ စီးပွါးရေးစနစ်သည် အရည်အသွေးပိုင်းဆိုင်ရာ တိုးတက်ပြောင်းလဲလာခဲ့သည် ။ ဤသည်မှာ တရုတ်ပြည်၏ စီးပွါးရေးပြုပြင်ပြောင်းလဲမှုသည် ကြွယ်ဝချမ်းသာမှုကို မြှင့်တင်နိုင်ရုံမျှမက နိုင်ငံရေးတည်ငြိမ်မှုကိုလည်း ထိန်းသိမ်းထားနိုင်ခြင်း၏ အဓိကအကြောင်းရင်းဖြစ်သည် ။

တခြားအရေးကြီးသည့် အချက်တစ်ခုမှာ စီမံကိန်းစီးပွါးရေးကဏ္ဍကို လျှော့ချနိုင်ခြင်းဖြစ်သည် ။ အပြောင်းအလဲမှာ ချက်ချင်းကြီး အကောင်အထည်ပေါ်လာသည်တော့ မဟုတ်ပေ ။ ဤအစား သေးငယ်သည့် ပြောင်းလဲမှုအနည်းငယ်ဖြင့် ဖြည်းဖြည်းချင်း စတင်ခဲ့ခြင်းဖြစ်သည် ။ သို.သော် ဖြည်းဖြည်းချင်းဖြင့် ပို၍ကြီးမားသည့် ပြုပြင်ပြောင်းလဲမှုများကို လုပ်ဆောင်ခဲ့သည် ။

အောက်ခြေအဆင့် အုပ်ချုပ်ရေးဆိုင်ရာ ဋ္ဌါနများသို. လုပ်ပိုင်ခွင့်များ ပိုပေးနိုင်ရန်နှင့် စီးပွါးရေးလုပ်ငန်းများကို ကိုယ်ပိုင်လုပ်ပိုင်ပြဋ္ဌါန်းခွင့် ပိုပေးနိုင်ရန်အတွက် မူဝါဒများနှင့် အရေးယူဆောင်ရွက်မှုများကို ချမှတ်ခဲ့သည် ။ စီမံကိန်းစီးပွါးရေးကို ပြုပြင်ပြောင်းလဲရန်အတွက် တိုက်ရိုက်စီမံကိန်းများကို လျှော့ချခြင်း ၊ တစ်ဆင့်ခံသွယ်ဝိုက် စီမံကိန်းများကို တိုးချဲ.ခြင်း ၊ နိုင်ငံတော်မှ ခွဲဝေသတ်မှတ်ပေးသည့် ပစ္စည်းအင်အား ရင်းမြစ်တို.ကို လျှော့ချခြင်းနှင့် နိုင်ငံတော်ပိုင် လုပ်ငန်းများမှ ၎င်းတို.ဘာသာ ရောင်းဝယ်သည့် ကုန်စည်တို.၏ အမျိုးအစားနှင့် အရေအတွက်ကို တိုးချဲ.ခြင်း စသည်တို. ပြုလုပ်ခဲ့သည် ။ သတ်မှတ်ထားသည့် နိုင်ငံတော်ခွဲတမ်းကို ကျော်လွန်သော အဓိက ပစ္စည်းရင်းမြစ်တို.ကို ရောင်းဝယ်ခွင့် ပြုခဲ့ပြီး ခွဲတမ်းအတွင်းမှပင်လျှင် တချို.သော အတိုင်းအတာထိ တိုက်ရိုက်ရောင်းဝယ်ခွင့်ပြုခဲ့သည် ။ ထို.ပြင် စီးပွါးရေးလုပ်ငန်းများနှင့် ဈေးနှုန်းပြုပြင်ပြောင်းလဲရေးအတွက် ကန်ထရိုက်စနစ်ကိုလည်း ကျင့်သုံးခဲ့သည် ။ ဤဆောင်ရွက်မှုအားလုံးသည် ကြီးမားစွာ အထောက်အကူပြုခဲ့ပြီး ဈေးကွက်ကဏ္ဍသည် ဆက်လက်တိုးတက်လာခဲ့သည် ။

ထိုစဉ်က ဈေးကွက်ကဏ္ဍ၏ အဓိကအစိတ်အပိုင်းများမှာ စိုက်ပျိုးရေး ၊ ကျေးလက်ဒေသ ထုတ်လုပ်ရေး ၊ အသေးစား စက်မှုလုပ်ငန်းများ ၊ ချည်မျှင်လုပ်ငန်းနှင့် လူသုံးကုန်ပစ္စည်း ထုတ်လုပ်ရေးလုပ်ငန်းတို.ဖြစ်သည် ။ ကုန်ထုတ်လုပ်ရေး နည်းစနစ်များ အတိအကျလိုအပ်သည့် ကုန်ပစ္စည်း ထုတ်လုပ်ရေးလုပ်ငန်းအများစုမှာမူ နိုင်ငံတော်ပိုင် လုပ်ငန်းများ၏ ထိန်းချုပ်မှုအောက်တွင် ရှိနေဆဲဖြစ်သည် ။

ထိုစဉ်က အသွင်ကူးပြောင်းရေး ချဉ်းကပ်မှုနှင့် ပက်သက်၍ ဝေဖန်မှုများ ရှိခဲ့သည် ။ “အားလုံးကို ခြုံငုံမိသည့် မဟာဗျူဟာမရှိ” ၊ “တစ်ကွက်ရွှေ.ပြီး ဘာဖြစ်လာမလဲ စောင့်ကြည့်နေတယ်” ၊ “ရေရှည်ကို ရှုမြင်မှုမရှိ” ၊ “မျက်ကန်းများ” စသည်ဖြင့် ဝေဖန်ခဲ့ကြသည် ။ ယနေ.ခေတ်တွင်မူ ဤသို.သောဝေဖန်မှုမျိုး နည်းပါးသွားပြီဖြစ်သည် ။

သို.သော်လည်း စနစ် ၂ ခုကို တစ်ပြိုင်တည်းကျင့်သုံးခြင်းကြောင့် ဖြစ်ပေါ်လာသည့် အားနည်းချက်များရှိသည် ၊ ဤအချက်ကို လျှော့မတွက်သင့်ပေ ။ ဆိုးဝါးသည့် အကျိုးဆက်များ လူ.အဖွဲ.အစည်းက သည်းခံနိုင်သည်ထက် ကျော်လွန်လာပါက ပြဿနာများ ပေါ်ထွက်လာမည်ဖြစ်သည် ။ စီးပွါးရေးနှင့် နိုင်ငံရေး ပြုပြင်ပြောင်းလဲမှုကို ပို၍နက်ရှိုင်းစွာ တိုးတက်ဖော်ဆောင်ခြင်းဖြင့်သာလျှင် ဤသို.သော ပြဿနာများကို ဖြေရှင်းနိုင်မည်ဖြစ်သည် ။ အစောပိုင်းကာလများ၌ ဖြည်းဖြည်းချင်းပြုပြင်ပြောင်းလဲသည့်နည်းကို လက်ခံကျင့်သုံးခြင်းမှာ မှန်ကန်သော်လည်း ရေရှည်အတွက်မူ ဤနည်းဖြင့် ဆက်လက်သွားဖို. မဖြစ်နိုင်ပေ ။

(ကျောက်ကျိယန်၏ Prisoner of the State စာအုပ်မှ Part 3 , Chapter 7 One Step at a Time ကို ဘာသာပြန်ဆိုထားခြင်းဖြစ်ပါသည်။)